കൊച്ചി: കാക്കനാട് ആഡംബര ഫ്ലാറ്റിൽ നിന്ന്‌ എംഡിഎംഎയുമായി മൂന്നുപേർ പിടിയിൽ. എൻജിഒ ക്വാർട്ടേഴ്സിന് സമീപം അമ്പാടിമൂല എംഐആർ ഫ്ലാറ്റിൽനിന്നാണ് മൂന്ന് ഗ്രാം എംഡിഎംഎയുമായി തമിഴ്നാട് കുരുടംപാളയം സ്വദേശിനി ക്ലാര ജോയ്സ് (34), കുട്ടമ്പുഴ സ്വദേശിനി അഞ്ജുമോൾ (27), പത്തനംതിട്ട മല്ലപ്പുഴശേരി സ്വദേശി തെല്ലിക്കാല ചെട്ടുകടവിൽ ദീപു ദേവരാജൻ (21) എന്നിവരെയാണ്‌ പിടികൂടിയത്.
തൃക്കാക്കര ഇൻസ്പെക്ടർ ആർ.ഷാബുവിന്റെ നേതൃത്വത്തിലുള്ള സംഘമാണ് പ്രതികളെ പിടികൂടിയത്.
കോട്ടയം സ്വദേശി മനാഫാണ് ഫ്ലാറ്റ് വാടകയ്‌ക്ക് എടുത്തിരിക്കുന്നത്. മനാഫും അഞ്ജുവുമാണ് രണ്ട് മാസമായി ഫ്ലാറ്റിൽ താമസിച്ചിരുന്നത്. ഇവിടെവച്ചാണ് ലഹരി വസ്തുക്കളുടെ ഉപയോഗവും വിൽപനയും നടത്തിയിരുന്നതെന്ന് പൊലീസ് പറയുന്നു.
ബംഗളൂരുവിൽ നിന്നാണ് മയക്കുമരുന്ന് എത്തിക്കുന്നത്. മനാഫ് ഒളിവിലാണ്. രണ്ട് മൊബൈൽ ഫോണും പിടിച്ചെടുത്തു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.