ദോഹ: ഹമദ് മെഡിക്കൽ കോർപറേഷൻ ആശുപത്രിയിൽ നഴ്‌സായി ജോലിചെയ്തിരുന്ന ആലപ്പുഴ ചെങ്ങന്നൂർ പുത്തൻകാവ് എടവത്തറ പീടികയിൽ വീട്ടിൽ മറിയാമ്മ ജോർജ് (54) ഖത്തറിൽ നിര്യാതയായി. 17 വർഷത്തിലേറെയായി ഹമദ് ആശുപത്രിയിലുള്ള മറിയാമ്മ ജോർജ് ഹമദ് വിമൻസ് ആശുപത്രി പ്രസവ വാർഡിൽ ജോലിചെയ്ത് വരികയായിരുന്നു. ഏതാനും ദിവസങ്ങൾക്ക് മുമ്പ് അർബുദബാധ സ്ഥിരീകരിച്ച് ചികിത്സയിലിരിക്കെ ഹൃദയാഘാതത്തെ തുടർന്നായിരുന്നു അന്ത്യം. ഭർത്താവ് ഫിലിപ് മാത്യു ഖത്തറിലുണ്ട്.
സാറാ മറിയം ഫിലിപ്പ് ആണ് മകൾ. നടപടിക്രമങ്ങൾ പൂർത്തിയാക്കിയ ശേഷം മൃതദേഹം നാട്ടിലേക്ക് കൊണ്ടുപോകുമെന്ന് സഹപ്രവർത്തകരും ബന്ധുക്കളും അറിയിച്ചു. നിര്യാണത്തിൽ ഖത്തറിലെ നഴ്‌സിങ് സംഘടനകളായ ഫിൻക്യൂ, യുനീക് എന്നിവർ അനുശോചിച്ചു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.