ആര്‍ട്ടിഫിഷ്യല്‍ ഇന്റലിജന്‍സിന്റെ വരവ് ലോകം വളരെ പ്രതീക്ഷയോടെയാണ് കാണുന്നതെങ്കിലും ഇതിന്റെ ഭീഷണികള്‍ സംബന്ധിച്ച് നിരവധി അഭ്യൂഹങ്ങളുണ്ട്. ഇപ്പോള്‍ എഐ ഉപഭോക്താക്കളെ ആശങ്കപ്പെടുത്തുന്ന റിപ്പോര്‍ട്ടാണ് പുറത്തുവരുന്നത്. റിപ്പോര്‍ട്ട് പ്രകാരം എഐയ്ക്ക് കീപാഡില്‍ നിന്നുള്ള ശബ്ദം കേട്ട് ഡാറ്റകള്‍ മോഷ്ടിക്കാന്‍ സാധിക്കുമെന്നാണ് ബ്ലീപ്പിംഗ് കമ്പ്യൂട്ടര്‍ എന്ന വെബ്സൈറ്റ് റിപ്പോര്‍ട്ട് ചെയ്യുന്നത്.
എഐ ഇത് റേറ്റ് ചെയ്യുന്നത് 95 ശതമാനം കൃത്യതയോടെയാണെന്ന് റിപ്പോര്‍ട്ട് സൂചിപ്പിക്കുന്നു. ബ്രിട്ടീഷ് യൂണിവേഴ്സിറ്റിയില്‍ നിന്നുള്ള ഗവേഷകരാണ് കമ്പ്യൂട്ടര്‍, ലാപ്ടോപ്പ്, മൊബൈല്‍ ഫോണ്‍ എന്നിവയുടെ ടൈപ്പിങ് സൗണ്ടുകള്‍ ഉപയോഗിച്ച് പരീക്ഷണം നടത്തിയത്. ഇവ എഐ തിരിച്ചറിഞ്ഞെന്നാണ് റിപ്പോര്‍ട്ടുകള്‍ വ്യക്തമാക്കുന്നത്.
ബാങ്ക് അക്കൗണ്ട് ഉള്‍പ്പെടെയുള്ള സ്വകാര്യത ആവശ്യമായ കാര്യങ്ങള്‍ക്കായി വിവരങ്ങള്‍ ടൈപ്പ് ചെയ്യുമ്പോള്‍ ഇതില്‍ നിന്ന് വിവരങ്ങള്‍ ചോര്‍ത്താന്‍ എഐയ്ക്ക് കഴിയും. ഇത്തരം എഐ മോഡലുകള്‍ ഹാക്കര്‍മാരെയും സൈബര്‍ കുറ്റവാളികളെയും വലിയ രീതിയില്‍ സഹായിക്കു.
എന്നാല്‍ ഇതിന് പ്രതിവിധിയും ഉണ്ട്. വെര്‍ച്വല്‍ കീപാഡുകള്‍ക്ക് ഇതില്‍ നിന്ന് ഉപയോക്താക്കളെ രക്ഷിക്കാന്‍ വലിയ രീതിയില്‍ കഴിയും. പ്രധാനമായും ഡാര്‍ക്ക് വെബ്, ടെലഗ്രാം എന്നിവിടങ്ങളില്‍ നിന്നാണ് ഇത്തരം എഐ ടൂളുകള്‍ ലഭിക്കുന്നത്. നിലവിലെ നിയമകള്‍ എല്ലാം ലംഘിച്ചുകൊണ്ടാണ് ഇത്തരം ബോട്ടുകള്‍ പ്രവര്‍ത്തിക്കുന്നത്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.