രാജ്യം തിരഞ്ഞെടുപ്പ് ചൂടിലേയ്ക്ക്; തിരഞ്ഞെടുപ്പ് കമീ​ഷന്‍റെ സമ്പൂര്‍ണ യോഗം ഇന്ന്

ന്യൂ​ഡ​ൽ​ഹി: ലോ​ക്സ​ഭ തി​​ര​ഞ്ഞെ​ടു​പ്പി​ന്‍റെ ഒ​രു​ക്ക​ങ്ങ​ളി​ലേ​ക്ക്​ രാ​ജ്യം. തി​​ര​ഞ്ഞെ​ടു​പ്പ്​ ഒ​രു​ക്ക​ങ്ങ​ൾ വി​ല​യി​രു​ത്താ​ൻ തി​​ര​ഞ്ഞെ​ടു​പ്പ്​ ക​മീ​ഷ​ൻ അം​ഗ​ങ്ങ​ൾ അ​ടു​ത്ത​യാ​ഴ്ച സം​സ്ഥാ​ന സ​ന്ദ​ർ​ശ​ന​ങ്ങ​ൾ ആ​രം​ഭി​ക്കു​ക​യാ​ണ്. ഭ​ര​ണ-​പ്ര​തി​പ​ക്ഷ പാ​ർ​ട്ടി​ക​ൾ ഇ​തി​ന​കം തു​ട​ക്ക​മി​ട്ട ക​രു​നീ​ക്ക​ങ്ങ​ൾ​ക്ക്​ ഇ​നി​യു​ള്ള ആ​ഴ്ച​ക​ളി​ൽ ഗ​തി​വേ​ഗം കൂ​ടും.

മെയ്​ അ​വ​സാ​നം ​വ​രെ​യു​ള്ള അഞ്ച്‌ മാ​സ​ങ്ങ​ൾ തി​ര​ഞ്ഞെ​ടു​പ്പ്​ ചൂ​ടി​​ലൂ​ടെ​യാ​ണ്​ ക​ട​ന്നു​പോ​വു​ക. ഫെ​ബ്രു​വ​രി ആ​ദ്യ​വാ​രം ന​ട​ക്കു​ന്ന പാ​ർ​ല​മെ​ന്‍റ്​ സ​​മ്മേ​ള​ന​ത്തി​ൽ വോ​ട്ട്-​ഓ​ൺ അ​ക്കൗ​ണ്ട്​ പാ​സാ​ക്കി പി​രി​യും. 17-ാം ലോ​ക്സ​ഭ​യു​ടെ അ​വ​സാ​ന സ​മ്മേ​ള​ന​മാ​ണ്​ അ​ത്. പു​തി​യ സ​ർ​ക്കാ​റാ​ണ്​ അ​ടു​ത്ത ബ​ജ​റ്റ്​ അ​വ​ത​രി​പ്പി​ക്കേ​ണ്ട​തെ​ന്നി​രി​ക്കെ, അ​തു​വ​രെ​യു​ള്ള ഭ​ര​ണ ചെ​ല​വു​ക​ൾ​ക്ക്​ തു​ക വ​ക​യി​രു​ത്തു​ന്ന വോ​ട്ട്​ ഓ​ൺ അ​ക്കൗ​ണ്ട്​ മാ​ത്ര​മാ​ണ്​ ഫെ​ബ്രു​വ​രി ഒ​ന്നി​ന്​ ധ​ന​മ​ന്ത്രി നി​ർ​മ​ല സീ​താ​രാ​മ​ൻ ലോ​ക്സ​ഭ​യി​ൽ അ​വ​ത​രി​പ്പി​ക്കു​ക.

2019 ൽ ​ലോ​ക്സ​ഭ തി​ര​ഞ്ഞെ​ടു​പ്പ്​ തിയ​തി​ക​ൾ പ്ര​ഖ്യാ​പി​ച്ച​ത്​ മാ​ർ​ച്ച്​ 10 നാ​ണ്. ഏ​പ്രി​ൽ 11 മു​ത​ൽ മെ​യ്​ 19 വ​രെ ഏ​ഴ്‌ ഘ​ട്ട​ങ്ങ​ളാ​യി ന​ട​ന്ന വോ​ട്ടെ​ടു​പ്പി​ന്‍റെ ഫ​ലം പ്ര​ഖ്യാ​പി​ച്ച​ത്​ മെയ്​ 23 നാണ്‌. ​പു​തി​യ സ​ർ​ക്കാ​ർ അ​ധി​കാ​ര​മേ​ൽ​ക്കു​ന്ന​തു​വ​രെ​യു​ള്ള തി​ര​ഞ്ഞെ​ടു​പ്പ്​ പ്ര​വ​ർ​ത്ത​ന​ങ്ങ​ൾ​ക്ക്​ ചു​ക്കാ​ൻ പി​ടി​ക്കേ​ണ്ട തി​ര​ഞ്ഞെ​ടു​പ്പ്​ ക​മീ​ഷ​ൻ, സു​ര​ക്ഷ അ​ട​ക്ക​മു​ള്ള വി​വി​ധ സാ​ഹ​ച​ര്യ​ങ്ങ​ൾ വി​ല​യി​രു​ത്തു​ന്ന പ്ര​വ​ർ​ത്ത​ന​ങ്ങ​ളി​ലേ​ക്കാ​ണ്​ അ​ടു​ത്ത​യാ​ഴ്ച ക​ട​ക്കു​ന്ന​ത്. വി​വി​ധ പാ​ർ​ട്ടി പ്ര​തി​നി​ധി​ക​ൾ, പൊ​ലീ​സി​ലും ഭ​ര​ണ​ത​ല​ത്തി​ലു​മു​ള്ള മു​തി​ർ​ന്ന ഉ​ദ്യോ​ഗ​സ്ഥ​ർ, സം​സ്ഥാ​ന തി​ര​ഞ്ഞെ​ടു​പ്പ്​ ഉ​ദ്യോ​ഗ​സ്ഥ​ർ എ​ന്നി​വ​രു​മാ​യി ക​മീ​ഷ​ൻ ച​ർ​ച്ച ന​ട​ത്തും.