ന്യൂഡല്‍ഹി: ഇലക്ടറല്‍ ബോണ്ടുകളുമായി ബന്ധപ്പെട്ട മുഴുവന്‍ വിവരങ്ങളും എസ്ബിഐ തിരഞ്ഞെടുപ്പ് കമ്മീഷന് കൈമാറി. ബോണ്ടുകളിലെ സീരിയല്‍ നമ്പറുകള്‍ അടക്കമുള്ളവയാണ് കൈമാറിയിരിക്കുന്നത്.
തിരഞ്ഞെടുപ്പ് കമ്മീഷന് ഉടന്‍ വിവരങ്ങള്‍ വെബ്‌സൈറ്റില്‍ പ്രസിദ്ധീകരിക്കും. മുദ്ര വെച്ച രണ്ട് കവറുകളില്‍ പെന്‍ ഡ്രൈവുകളില്‍ ആയാണ് ഇലക്ടറല്‍ ബോണ്ടുകളിലെ വിവരങ്ങള്‍ കൈമാറിയിരിക്കുന്നത്.
സുരക്ഷ കാരണങ്ങളാല്‍ അക്കൗണ്ട് നമ്പറുകളും കൈവൈസി വിവരങ്ങളും മാത്രം പ്രസിദ്ധീകരിക്കുന്നില്ലെന്നും എസ്ബിഐ വ്യക്തമാക്കി. എന്നാല്‍ ബോണ്ടുകളുടെ വിവരങ്ങള്‍ മനസിലാക്കാന്‍ ഇത് തടസമല്ലെന്നും എസ്ബിഐ സുപ്രീം കോടതിയില്‍ നല്‍കിയ സത്യവാങ്മൂലത്തില്‍ അറിയിച്ചു.
ഇലക്ടറല്‍ ബോണ്ടുകളുമായി ബന്ധപ്പെട്ട എല്ലാ വിവരങ്ങളും കൈമാറി ഇന്ന് അഞ്ച് മണിക്കുള്ളില്‍ സത്യവാങ്മൂലം നല്‍കാന്‍ സുപ്രീം കോടതി എസ്ബിഐയ്ക്ക് കര്‍ശന നിര്‍ദേശം നല്‍കിയിരുന്നു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26