മോസ്കോ: റഷ്യ-കസാക്കിസ്ഥാൻ അതിർത്തിയിൽ അണക്കെട്ട് തകർന്നതിനെ തുടർന്ന് വൻ വെള്ളപ്പൊക്കം. തെക്കൻ യുറലിലെ ഒറെൻബർഗ് മേഖലയിൽ നിന്നും 4,500പേരെ ഒഴിച്ചതായി റഷ്യ അറിയിച്ചു. 5 പേർ മരിച്ചു. 1,019 കുട്ടികൾ ഉൾപ്പെടെ ഈ മേഖലയിലെ 4,208 പേരെ മാറ്റിപ്പാർപ്പിച്ചതായും ടാസ് അനുസരിച്ച് 82,200 പേർക്ക് 495 താൽക്കാലിക താമസ കേന്ദ്രങ്ങൾ ഒരുക്കുന്നതായും അധികൃതർ റിപ്പോർട്ട് ചെയ്തു.
പ്രസിഡന്‍റ് വ്‌ളാഡിമിർ പുടിൻ അടിയന്തര സാഹചര്യ മന്ത്രി അലക്‌സാണ്ടർ കുരെൻകോവിനോട് ഈ മേഖലയിൽ എത്താൻ ഉത്തരവിട്ടതായി ക്രെംലിൻ വക്താവ് പറഞ്ഞു. 2014-ൽ നിർമിച്ച ഡാം തകർന്നതിനാൽ ഇത് നിർമിച്ചവർക്കെതിരെ അശ്രദ്ധയ്ക്കും നിർമാണ സുരക്ഷാ നിയമങ്ങളുടെ ലംഘനത്തിനും ക്രിമിനൽ കേസും എടുത്തിട്ടുണ്ട്.
പ്രധാന നഗരമായ ഒറെൻബർഗിലെ യുറൽ നദിയിൽ അപകടകരമായ ജലനിരപ്പ് ഉണ്ടാകുമെന്ന് അധികൃതർ മുന്നറിയിപ്പ് നൽകിയിട്ടുണ്ട്. അരലക്ഷം ജനങ്ങളുള്ള നഗരത്തിന്‍റെ മേയർ സെർജി സാൽമിൻ, ആവശ്യമെങ്കിൽ വെള്ളപ്പൊക്ക മേഖലകളിൽ നിന്ന് ആളുകളെ നിർബന്ധിതമായി ഒഴിപ്പിക്കുമെന്ന് പറഞ്ഞു.
ഊരാൾ നദിയിലെ ജലനിരപ്പ് അപകടകരമായ നിലയിലേക്ക് ഉയർന്നിട്ടുണ്ടെന്നും ഇനിയും ഉയരുമെന്നും അദ്ദേഹം പറഞ്ഞു. അപകടമേഖലയിൽ നിന്ന് സ്വമേധയാ പുറത്തുപോകാൻ വിസമ്മതിക്കുന്നവരെ പോലീസ് ഉദ്യോഗസ്ഥരുടെ സഹായത്തോടെ ഞങ്ങൾ നിർബന്ധിതമായി ഒഴിപ്പിക്കും. അദ്ദേഹം വ്യക്തമാക്കി.
80 വർഷത്തിനിടെ കസാക്കിസ്ഥാനിലുണ്ടായ ഏറ്റവും വലിയ പ്രകൃതി ദുരന്തങ്ങളിലൊന്നാണ് വെള്ളപ്പൊക്കമെന്ന് കസാഖ് പ്രസിഡന്‍റ് കാസിം - ജോമാർട്ട് ടോകയേവ് പറഞ്ഞു. മധ്യേഷ്യൻ രാജ്യത്തെ അധികാരികൾ ദുരിതബാധിതരെ സഹായിക്കാൻ തയാറാകണമെന്ന് അദ്ദേഹം ആവശ്യപ്പെട്ടു. ബോട്ടുകളിലും ഹോവർക്രാഫ്റ്റുകളിലും രക്ഷാപ്രവർത്തകർ ഗ്രാമങ്ങളിലൂടെ സഞ്ചരിക്കുന്നതിന്‍റെ ചിത്രങ്ങൾ റഷ്യൻ എമർജൻസി സർവീസുകൾ പ്രസിദ്ധീകരിച്ചിട്ടുണ്ട്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.