തിരുവനന്തപുരം: വൈദ്യുതി ഉപയോഗം നിയന്ത്രിക്കാന് മാര്ഗ നിര്ദേശവുമായി കെഎസ്ഇബി. രാത്രി പത്ത് മുതല് പുലര്ച്ചെ രണ്ട് വരെ പരമാവധി വൈദ്യുതി ഉപയോഗം ക്രമീകരിക്കണം. രാത്രി ഒന്പതു മണി കഴിഞ്ഞാല് അലങ്കാര വെളിച്ചങ്ങളും പരസ്യ ബോര്ഡുകളും പ്രവര്ത്തിപ്പിക്കരുതെന്നും കെഎസ്ഇബി പുറത്തിറക്കിയ മാര്ഗ നിര്ദേശത്തില് പറയുന്നു.
പൊതുജനങ്ങളുടെ സഹായത്തോടെ വൈദ്യുതി ഉപയോഗം നിയന്ത്രിക്കാനാണ് കെഎസ്ഇബിയുടെ നീക്കം. വീടുകളിലെ എസി 26 ഡിഗ്രിയായി ക്രമീകരിക്കാനും നിര്ദേശത്തില് പറയുന്നു. കൂടാതെ രാത്രി പത്തിന് ശേഷം വന്കിട വ്യവസായ സ്ഥാപനങ്ങളോട് വൈദ്യുതി ഉപയോഗം കുറയ്ക്കാനും ആവശ്യപ്പെട്ടിട്ടുണ്ട്. ജല വിതരണത്തെ ബാധിക്കാത്ത രീതിയില് പമ്പിങ് ക്രമീകരിക്കാന് വാട്ടര് അതോറിട്ടിക്കും കെഎസ്ഇബി നിര്ദേശം നല്കിയിട്ടുണ്ട്.
മാത്രമല്ല ഫീല്ഡുകളിലെ സ്ഥിതിഗതികള് അതാത് ചീഫ് എന്ജിനീയറുമാര് വിലയിരുത്തണമെന്നും നിര്ദേശമുണ്ട്. ഇതുവഴി വൈദ്യുതി ഉപയോഗം കുറയ്ക്കാന് കഴിയുമോ എന്ന് രണ്ട് ദിവസം പരിശോധിച്ച ശേഷം തുടര്നടപടികളിലേക്ക് കടക്കുമെന്നാണ് കെഎസ്ഇബി അറിയിച്ചിരിക്കുന്നത്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26