പ്രിയങ്ക ഗാന്ധിക്കും രാഹുൽ ഗാന്ധിക്കും പിന്തുണയുമായി ആർഎംപി നേതാവ് കെ.കെ രമ

കോഴിക്കോട്: ഗാന്ധിക്കും രാഹുൽ ഗാന്ധിക്കും പിന്തുണയുമായി ആർഎംപി നേതാവ് കെകെ രമ.ഹത്രസ് സന്ദർശിച്ച പ്രിയങ്ക ഗാന്ധിയും രാഹുൽ ഗാന്ധിയും സ്നേഹത്തിന്‍റെയും കരുതലിന്‍റെയും ചേർത്തുനിർത്തലിന്‍റെയും രാഷ്ട്രീയമാണ് പഠിപ്പിക്കുന്നതെന്ന് കെ കെ രമ സാമൂഹ്യമാധ്യമങ്ങളിൽ പങ്കുവെച്ച് വാർത്തയിൽ അഭിപ്രായപ്പെട്ടു. ഹത്രസില്‍ മാനഭംഗത്തിനിരയായി വധിക്കപ്പെട്ട പെൺകുട്ടിയുടെ അമ്മയെ കെട്ടിപ്പിടിച്ചു കരയുന്ന പ്രിയങ്കയുടെ ചിത്രം പങ്കുവച്ചുകൊണ്ടാണ് കെ. കെ രമ ഇങ്ങനെ പ്രതികരിച്ചത്. ശനിയാഴ്ച രാത്രിയിലാണ് പ്രിയങ്ക ഗാന്ധിയും രാഹുൽ ഗാന്ധിയും പെൺകുട്ടിയുടെ മാതാപിതാക്കളെ സന്ദർശിച്ച് ആശ്വസിപ്പിച്ചത്.