രണ്ട് ലക്ഷം കടന്ന് പ്രിയങ്കയുടെ മുന്നേറ്റം; തിരിച്ചെത്തി രാഹുല്‍, പ്രദീപിനെ ചേര്‍ത്ത് പിടിച്ച് ചേലക്കര

കൊച്ചി: വയനാട് ലോക്‌സഭാ മണ്ഡലത്തില്‍ യുഡിഎഫ് സ്ഥാനാര്‍ത്ഥി പ്രിയങ്ക ഗാന്ധിയുടെ ലീഡ് അതിവേഗം കുതിക്കുന്നു. 2,27,358 വോട്ടിന്റെ ലീഡാണ് ഇപ്പോള്‍ വയനാട്ടില്‍ പ്രിയങ്ക ഗാന്ധിക്കുള്ളത്.

അതിനിടെ ഏഴാം റൗണ്ട് വോട്ടെണ്ണല്‍ കഴിഞ്ഞപ്പോള്‍ പാലക്കാട്ട് യുഡിഎഫ് സ്ഥാനാര്‍ഥി രാഹുല്‍ മാങ്കൂട്ടത്തില്‍ ലീഡ് തിരിച്ചു പിടിച്ചു. എന്‍ഡിഎ സ്ഥാനാര്‍ഥി സി.കൃഷ്ണകുമാര്‍ പിന്നിലായി. 4973 വോട്ടിന്റെ ലീഡുമായി രാഹുല്‍ മുന്നിലാണ്. എട്ടാം റൗണ്ട് മുതല്‍ രാഹുല്‍ ലീഡ് വീണ്ടും ഉയര്‍ത്തുമെന്നാണ് യുഡിഎഫ് കേന്ദ്രങ്ങളുടെ വിലയിരുത്തല്‍.

ചേലക്കരയെ വീണ്ടും ചുവപ്പിച്ച് എല്‍ഡിഎഫിലെ യു.ആര്‍ പ്രദീപ് വിജയം ഉറപ്പിച്ചു കഴിഞ്ഞു. 9281 വോട്ടിന്റെ ലീഡാണ് യു.ആര്‍ പ്രദീപിന് ഇപ്പോഴുള്ളത്.