ന്യൂഡല്‍ഹി: ഇന്ത്യയില്‍ സ്വവര്‍ഗ വിവാഹത്തിന് നിയമസാധുതയില്ലെന്ന് സുപ്രീം കോടതി. ഇന്ത്യയിലെ സ്വവര്‍ഗ വിവാഹങ്ങള്‍ക്കുള്ള നിയമപരമായ അംഗീകാരം നിരസിച്ച സുപ്രധാന തീരുമാനത്തെ ചോദ്യം ചെയ്തുള്ള പുനപരിശോധനാ ഹര്‍ജികള്‍ സുപ്രീം കോടതി പരിഗണിച്ചില്ല.
നേരത്തെ പുറപ്പെടുവിച്ച ഒരു വിധിന്യായത്തില്‍, സ്വവര്‍ഗ യൂണിയനുകള്‍ക്ക് നിയമപരമായ അനുമതി നല്‍കുന്നതിന് ഭരണഘടനാപരമായ അടിസ്ഥാനമില്ലെന്ന് സുപ്രീം കോടതി അഭിപ്രായപ്പെട്ടിരുന്നു. ഈ നിലപാട് എല്.ജി.ബി.ടി.ക്യു.ഐ.എ+ പ്രവര്‍ത്തകര്‍ക്കും സഖ്യകക്ഷികള്‍ക്കും ഇടയില്‍ വ്യാപകമായ ചര്‍ച്ചകള്‍ക്ക് കാരണമായിരുന്നു. യഥാര്‍ത്ഥ വിധിയില്‍ പ്രകടിപ്പിച്ച അഭിപ്രായങ്ങള്‍ നിയമാനുസൃതമാണെന്നും ഇക്കാര്യത്തില്‍ കൂടുതല്‍ ഇടപെടല്‍ ആവശ്യമില്ലെന്നും ബെഞ്ച് വ്യക്തമാക്കുകയായിരുന്നു.
ഇതോടെ തീരുമാനം പുനപരിശോധിക്കണമെന്ന് ആവശ്യപ്പെട്ടുള്ള എല്ലാ പുനപരിശോധനാ ഹര്‍ജികളും തള്ളപ്പെട്ടു. ഈ നിലപാട് കോടതിയുടെ മുന്‍ നിലപാട് ശക്തിപ്പെടുത്തുന്നതാണ്. സ്വവര്‍ഗ വിവാഹം സംബന്ധിച്ച 2023 ലെ വിധിയെ ചോദ്യം ചെയ്തുള്ള ഹര്‍ജികള്‍ അഞ്ചംഗ ബെഞ്ച് വ്യാഴാഴ്ച പരിഗണിച്ചിരുന്നു.
ജസ്റ്റിസുമാരായ ബി.ആര്‍ ഗവായ്, സൂര്യകാന്ത്, ബി.വി നാഗരത്‌ന, പി.എസ് നരസിംഹ, ദീപാങ്കര്‍ ദത്ത എന്നിവരടങ്ങിയ ബെഞ്ച് ചേംബറില്‍ ഹര്‍ജികള്‍ പരിശോധിച്ചെങ്കിലും തുറന്ന കോടതിയില്‍ വാദം നടന്നിരുന്നില്ല.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.