ബംഗളൂരു: ഇന്ത്യയില്‍ നിന്നും ആയുധങ്ങള്‍ വാങ്ങാനൊരുങ്ങി ഫ്രാന്‍സ്. ഇന്ത്യ തദ്ദേശീയമായി നിര്‍മിച്ച പിനാക റോക്കറ്റാണ് ഫ്രാന്‍സിന്റെ ലക്ഷ്യമെന്നാണ് പ്രതിരോധ വൃത്തങ്ങള്‍ നല്‍കുന്ന വിവരം. ഇന്ത്യ ആയുധങ്ങള്‍ ഇറക്കുമതി ചെയ്യുന്ന രാജ്യങ്ങളുടെ കൂട്ടത്തില്‍ രണ്ടാം സഥാനത്താണ് ഫ്രാന്‍സ്.
ഇതാദ്യമായാണ് ഫ്രാന്‍സ് ഇന്ത്യയില്‍ നിന്നും ആയുധങ്ങള്‍ വാങ്ങാന്‍ തയ്യാറെടുക്കുന്നത്. പിനാകയുമായി ബന്ധപ്പെട്ട ചര്‍ച്ചകള്‍ പുരോഗമിക്കുന്നുണ്ടെന്നാണ് റിപ്പോര്‍ട്ട്. റോക്കറ്റിന്റെ പ്രവര്‍ത്തന മികവ് ഫ്രഞ്ച് പ്രതിനിധി സംഘം നേരിട്ട് കണ്ട് ബോധ്യപ്പെട്ടിരുന്നുവെന്ന് റോയിട്ടേഴ്സ് റിപ്പോര്‍ട്ട് ചെയ്യുന്നു. എഐ ഉച്ചകോടിയില്‍ പങ്കെടുക്കാന്‍ പ്രധാനമന്ത്രി ഫ്രാന്‍സില്‍ എത്തിയ വേളയിലാണ് വിവരം പുറത്ത് വന്നത്.
പ്രതിരോധ ഗവേഷണ സ്ഥാപനമായ ഡിആര്‍ഡിഒ തദ്ദേശീയമായി വികസിപ്പിച്ച റോക്കറ്റ് സംവിധാനമാണ് പിനാക. 1.2 ടണ്‍ ഭാരം വഹിക്കാന്‍ പിനാകയ്ക്ക് കഴിയും. 90 കിലോ മീറ്റര്‍ അകലെ സ്ഥിതി ചെയ്യുന്ന ശത്രുക്കളെയും ശത്രു താവളങ്ങളെയും കൃത്യതയോടെ തകര്‍ക്കാന്‍ ഇവയ്ക്ക് ശേഷിയുണ്ട്. 44 സെക്കന്‍ഡിനുള്ളില്‍ 12 തവണ റോക്കറ്റുകള്‍ ലോഞ്ച് ചെയ്യാനാകുമെന്നതാണ് ഇവയുടെ പ്രധാന പ്രത്യേകത.
ടെലിമിനേറ്ററി, റഡാറുകള്‍, ഇലക്ട്രോ ഒപ്റ്റിക്കല്‍ ടാര്‍ജെറ്റിംഗ് സിസ്റ്റം എന്നിവയും റോക്കറ്റിലുണ്ട്. അതിര്‍ത്തിയില്‍ ഉടലെടുക്കുന്ന ചൈനീസ്-പാക് ഭീഷണികള്‍ നേരിടാന്‍ സൈന്യത്തിന് കരുത്തുപകരുന്നതില്‍ മുന്‍പന്തിയിലാണ് പിനാകയുടെ സ്ഥാനം.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.