ഓസ്ലോ: ജര്‍മന്‍ കമ്പനിയുടെ റോക്കറ്റ് വിക്ഷേപിച്ച് 40 സെക്കന്‍ഡിനുള്ളില്‍ തകര്‍ന്നു വീണ് പൊട്ടിത്തെറിച്ചു. ഇന്നലെ നോര്‍വേയിലെ ആര്‍ട്ടിക് ആന്‍ഡോയ സ്പേസ് പോര്‍ട്ടില്‍ നിന്ന് കുതിച്ചുയര്‍ന്ന ജര്‍മന്‍ സ്റ്റാര്‍ട്ടപ്പായ ഇസാര്‍ എയ്റോസ്പേസിന്റെ സ്പെക്ട്രം റോക്കറ്റാണ് സെക്കന്‍ഡുക്കള്‍ക്കുള്ളില്‍ തകര്‍ന്നു വീണത്.
യൂറോപ്പില്‍ നിന്ന് ഉപഗ്രഹങ്ങള്‍ വിക്ഷേപിക്കുക എന്ന ലക്ഷ്യത്തോടെ പരീക്ഷണാടിസ്ഥാനത്തില്‍ നിര്‍മിച്ചതാണ് ഈ റോക്കറ്റ് എന്ന് ഇസാര്‍ എയ്റോസ്പേസ് വിശദീകരിച്ചു. ഒരു മെട്രിക് ടണ്‍ വരെ ഭാരം വരുന്ന ഉപഗ്രഹങ്ങള്‍ വഹിക്കാന്‍ ശേഷിയുള്ളതാണ് സ്പെക്ട്രം റോക്കറ്റ്.
വിക്ഷേപണം പരാജയപ്പെടാന്‍ സാധ്യതയുണ്ടെന്ന് ആദ്യ ഘട്ടത്തില്‍ തന്നെ കമ്പനി മുന്നറിയിപ്പ് നല്‍കിയിരുന്നു. എന്നാല്‍, പരീക്ഷണാടിസ്ഥാനത്തിലുള്ള വിക്ഷേപണം പരാജയപ്പെട്ടാലും അതില്‍ നിന്ന് വിവര ശേഖരണം നടത്താന്‍ സാധിക്കുമെന്നതിനാല്‍ വിക്ഷേപണവുമായി കമ്പനി മുന്നോട്ട് പോവുകയായിരുന്നു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.