ന്യൂഡല്‍ഹി: തീവ്ര ഹിന്ദുത്വ നിലപാടില്‍ അടിയുറച്ച ആര്‍.എസ്.എസിനെ ആദരിക്കാന്‍ കേന്ദ്ര സര്‍ക്കാര്‍. സംഘടനയുടെ നൂറാം വാര്‍ഷികത്തോടനുബന്ധിച്ച് തപാല്‍ സ്റ്റാമ്പും നാണയവും പുറത്തിറക്കിയാണ് കേന്ദ്ര സര്‍ക്കാരിന്റെ ആദരം.
ഒക്ടോബര്‍ ഒന്നിന്
ന്യൂഡല്‍ഹിയില്‍ നടക്കുന്ന ചടങ്ങില്‍ പ്രധാനമന്ത്രി നരേന്ദ്ര മോഡി നാണയവും സ്റ്റാംപും പ്രകാശനം ചെയ്യുമെന്നാണ് റിപ്പോര്‍ട്ടുകള്‍. ആര്‍.എസ്.എസ് ജനറല്‍ സെക്രട്ടറി ദത്താത്രേയ ഹൊസബലെ ചടങ്ങില്‍ സംബന്ധിക്കും. ഒക്ടോബര്‍ രണ്ടിനാണ് ആര്‍.എസ.്എസ് നൂറ് വര്‍ഷം പൂര്‍ത്തിയാക്കുന്നത്.
പ്രധാനമന്ത്രി നരേന്ദ്ര മോഡി പ്രത്യേകമായി ഇടപെട്ടാണ് നാണയവും സ്റ്റാംപും പുറത്തിറക്കാനുള്ള നടപടികള്‍ വേഗത്തിലാക്കിയത്. ഒരു വര്‍ഷം പുറത്തിറക്കേണ്ട സ്റ്റാംപുകളുടെ പട്ടിക നേരത്തെ തന്നെ തയ്യാറാക്കുന്നാണ് പതിവ്.
ഈ വര്‍ഷം പുറത്തിറക്കേണ്ട സ്റ്റാംപുകളില്‍ ആര്‍.എസ്.എസ് ശതാബ്ദി ഉള്‍പ്പെട്ടിരുന്നില്ല. എന്നാല്‍ പ്രധാനമന്ത്രി ഇടപെട്ട് നടപടികള്‍ റെക്കോര്‍ഡ് വേഗത്തില്‍ പൂര്‍ത്തിയാക്കുകയായിരുന്നു എന്ന് ഉദ്യോഗസ്ഥരെ ഉദ്ധരിച്ച് ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നു.
ഞായറാഴ്ച പ്രക്ഷേപണം ചെയ്ത റേഡിയോ അഭിസംബോധന പരിപാടിയിലും മോഡി ആര്‍എസ്എസിന്റെ ശതാബ്ദി ആഘോഷങ്ങളെ കുറിച്ച് പരാമര്‍ശിച്ചിരുന്നു. 1925 ലെ വിജയദശമി ദിനത്തിലാണ് ഹെഡ്‌ഗേവാര്‍ ആര്‍.എസ്.എസിന് രൂപം നല്‍കുന്നത്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.