ഭുവനേശ്വര്‍: നദിയില്‍ കുളിച്ചുകൊണ്ടിരുന്ന സ്ത്രീയെ മുതല കടിച്ചു വലിച്ചു കൊണ്ടു പോയി. ഒഡിഷയിലെ ജാജ്പൂര്‍ ജില്ലയിലെ ഖരസ്ത്രോത നദിയിലാണ് സൗദാമിനി വഹാല എന്ന അമ്പത്തഞ്ചുകാരിയെ നാട്ടുകാര്‍ നോക്കി നില്‍ക്കെ മുതല ആക്രമിച്ചത്.
സൗദാമിനി വഹാല തിങ്കളാഴ്ച വൈകുന്നേരമാണ് തുണി അലക്കാനും കുളിക്കാനും നദിയിലേയ്ക്ക് പോയത്. ആ സമയത്താണ് മുതല കടിച്ചു കൊണ്ടുപോയത്.
ഇതിന്റെ വിഡിയോ സമൂഹ മാധ്യമങ്ങളില്‍ പ്രചരിച്ചിട്ടുണ്ട്. ആളുകള്‍ പാലത്തിന് മുകളില്‍ നിന്ന് ബഹളം വെച്ച് മുതലയെ ഓടിക്കാന്‍ ശ്രമിക്കുന്നുണ്ട്. പക്ഷേ, ഫലമുണ്ടായില്ല. ഉടന്‍ തന്നെ അഗ്‌നിരക്ഷാ സേനയും പൊലീസും സ്ഥലത്തെത്തി തിരച്ചില്‍ ആരംഭിച്ചു.
മുതല സ്ത്രീയെ കടിച്ചു വലിക്കുന്നത് കണ്ടയുടന്‍ അവരെ രക്ഷിക്കാന്‍ നദിയിലേക്ക് ചാടിയെങ്കിലും എല്ലാ ശ്രമങ്ങളും പാഴായെന്ന് ദൃക്സാക്ഷി നബ കിഷോര്‍ പറഞ്ഞു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.