ഡാളസ്: മലങ്കര ഓര്‍ത്തഡോക്സ് സഭയുടെ പ്രഥമ പരിശുദ്ധനായ പരുമല തിരുമേനിയുടെ 123-ാമത് ഓര്‍മ്മപ്പെരുന്നാള്‍ ഡാളസിലെ സെന്റ് ഗ്രിഗോറിയോസ് മലങ്കര ഓര്‍ത്തഡോക്സ് ദേവാലയത്തില്‍ (130 Locust Grove Rd., Garland, TX 75043.) ഒക്ടോബര്‍ 26 മുതല്‍ നവംബര്‍ രണ്ട് വരെ ഒരാഴ്ചക്കാലം നീണ്ടുനില്‍ക്കുന്ന ഭക്തി നിര്‍ഭരമായ ശുശ്രൂഷകളോടെ ആചരിക്കുന്നു.
പെരുന്നാളിന്റെ കൊടിയേറ്റ് ചടങ്ങ് ഒക്ടോബര്‍ 26 ഞായറാഴ്ച രാവിലെ 11:30 ന് വിശുദ്ധ കുര്‍ബാനയ്ക്ക് ശേഷം നടക്കും. അഭിവന്ദ്യ ഡോ. തോമസ് മാര്‍ ഇവാനിയോസ് തിരുമേനി കൊടിയേറ്റിന് മുഖ്യകാര്‍മ്മികത്വം വഹിക്കും.
ഫിലാഡല്‍ഫിയ സെന്റ് തോമസ് പള്ളി അസി. വികാരി ഫാ. സുജിത് തോമസ് ആണ് ഈ വര്‍ഷത്തെ പെരുന്നാള്‍ ശുശ്രൂഷകളിലെ മുഖ്യ കാര്‍മ്മികനും കണ്‍വെന്‍ഷന്‍ പ്രഭാഷകനും. ഒക്ടോബര്‍ 31, നവംബര്‍ ഒന്ന് തിയതികളില്‍ സന്ധ്യാ നമസ്‌കാരത്തിനുശേഷം ഫാ. സുജിത് തോമസ് നയിക്കുന്ന കണ്‍വെന്‍ഷന്‍ പ്രസംഗങ്ങള്‍ നടക്കും.
പ്രധാന പെരുന്നാള്‍ ദിവസമായ നവംബര്‍ രണ്ട് ഞായറാഴ്ച രാവിലെ 8:30 ന് പ്രഭാത നമസ്‌കാരവും തുടര്‍ന്ന് ഫാ. സുജിത് തോമസ് മുഖ്യ കാര്‍മ്മികത്വം വഹിക്കുന്ന വിശുദ്ധ കുര്‍ബാനയും നടക്കും. 11:30 ന് റാസയും ആശീര്‍വാദവും ഉണ്ടാകും. പെരുന്നാള്‍ ദിവസമായ നവംബര്‍ രണ്ടിന് ഉച്ചയ്ക്ക് 12:30 ന് എം.ജി.എം ഹാളില്‍ സ്‌നേഹവിരുന്നോടെ പെരുന്നാള്‍ സമാപിക്കും.
കൂടാതെ യുവജന പ്രസ്ഥാനങ്ങളുടെയും വിദ്യാര്‍ത്ഥി പ്രസ്ഥാനങ്ങളുടെയും പ്രത്യേക ധ്യാനങ്ങള്‍ നവംബര്‍ ഒന്ന് ശനിയാഴ്ച ഫാ. സുജിത് തോമസിന്റെ നേതൃത്വത്തില്‍ ക്രമീകരിച്ചിട്ടുണ്ട്.
ദേവാലയ വികാരിയും പ്രസിഡന്റുമായ ഫാ. ജോയല്‍ മാത്യു, ട്രസ്റ്റി ടോണി ജേക്കബ്, സെക്രട്ടറി ഡെന്നിസ് ഡാനിയേല്‍ എന്നിവര്‍ പെരുന്നാള്‍ പരിപാടികള്‍ക്ക് നേതൃത്വം നല്‍കുന്നു. പെരുന്നാള്‍ ശുശ്രൂഷകളില്‍ പങ്കെടുത്തുകൊണ്ട് തിരുമേനിയുടെ അനുഗ്രഹം പ്രാപിക്കാന്‍ എല്ലാ വിശ്വാസികളെയും ദേവാലയത്തിലേക്ക് ക്ഷണിക്കുന്നതായി ഭാരവാഹികള്‍ അറിയിച്ചു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.