പാലക്കാട്: ബലാത്സംഗ കേസില് അറസ്റ്റ് ചെയ്യപ്പെട്ട മുന് യൂത്ത് കോണ്ഗ്രസ് സംസ്ഥാന അധ്യക്ഷനും പാലക്കാട് എംഎല്എയുമായ രാഹുല് മാങ്കൂട്ടത്തിലിനെ തള്ളി കോണ്ഗ്രസ്. എംഎല്എയുടെ മേല് കോണ്ഗ്രസിന് ഉത്തരവാദിത്വമില്ലെന്ന് ഡിസിസി അധ്യക്ഷന് എ. തങ്കപ്പന് പറഞ്ഞു.
എംഎല്എ സ്ഥാനത്ത് തുടരണോ എന്ന് രാഹുല് തീരുമാനിക്കണം. കോണ്ഗ്രസിനെ ഒരു തരത്തിലും ഇത് ബാധിക്കില്ല. പാര്ട്ടിയില് നിന്ന് പുറത്താക്കിയ ആളുടെ മേല് നിയന്ത്രണമില്ലെന്നും ഡിസിസി അധ്യക്ഷന് കൂട്ടിച്ചേര്ത്തു. രാഹുല് മാങ്കൂട്ടത്തില് എംഎല്എക്കെതിരായ മൂന്നാമത്തെ പീഡന പരാതിയില് ദേഹോപദ്രവം, സാമ്പത്തിക ചൂഷണം, നിര്ബന്ധിത ഗര്ഭച്ഛിദ്രം അടക്കമുള്ള ഗുരുതര ആരോപണങ്ങളാണ് ഉള്ളത്.
ആദ്യ കൂടിക്കാഴ്ചയില് തന്നെ രാഹുല് അതിക്രൂരമായി ബലാത്സംഗം ചെയ്തുവെന്നും സാമ്പത്തികമായി ചൂഷണം ചെയ്തുവെന്നുമാണ് പരാതിക്കാരിയുടെ മൊഴിയില് പറയുന്നത്. വിവാഹം കഴിക്കാമെന്ന വ്യാജേനയാണ് താനുമായി ബന്ധത്തിലായതെന്നും ഒരു കുഞ്ഞുണ്ടായാല് വിവാഹം വളരെ വേഗത്തില് നടക്കുമെന്ന് പറഞ്ഞ് വിശ്വസിപ്പിച്ചുവെന്നുമാണ് പരാതിക്കാരി പറയുന്നത്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള് സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്ളീല പദപ്രയോഗങ്ങളും ദയവായി ഒഴിവാക്കുക.