കല്പ്പറ്റ: മുണ്ടക്കൈ-ചൂരല്മല ദുരിത ബാധിതര്ക്കുള്ള ധനസഹായ തുടരുമെന്ന് സംസ്ഥാന സര്ക്കാര്. പ്രതിമാസം നല്കി വരുന്ന 9000 രൂപ സഹായം വരും മാസങ്ങളിലും തുടരുമെന്ന് റവന്യു വകുപ്പ് മന്ത്രി കെ. രാജന് വാര്ത്താ സമ്മേളനത്തില് അറിയിച്ചു. ദുരിത ബാധിതരെ പുനരധിവസിപ്പിക്കുന്നത് വരെ ധനസഹായം തുടരുമെന്ന് മന്ത്രി വ്യക്തമാക്കി.
ഇത് സംബന്ധിച്ച സര്ക്കാര് ഉത്തരവ് ഉടന് പുറത്തിറങ്ങും. ഉരുള്പ്പൊട്ടലില് ജീവിതോപാധി നഷ്ടപ്പെട്ടവര്ക്കായിരുന്നു സര്ക്കാര് 9,000 രൂപ ധനസഹായം നല്കിയിരുന്നത്. മൂന്ന് മാസം പ്രഖ്യാപിച്ച സഹായം ദുരിതബാധിതരുടെ ആവശ്യത്തിന് പിന്നാലെ ഡിസംബര് വരെ നീട്ടിയിരുന്നു. സാമ്പത്തിക സഹായം ലഭിക്കില്ലെന്ന് ബോധപൂര്വമായ പ്രചരണം നടന്നെന്ന് മന്ത്രി ചൂണ്ടിക്കാട്ടി.
ഡിസംബര് വരെ മുണ്ടക്കൈ-ചൂരല്മല ദുരന്തബാധിതര്ക്ക് ധനസഹായമായ 9000 രൂപ നല്കി. ഡിസംബര് വരെയാണ് ഉത്തരവ് ഇറക്കിയിരിക്കുന്നത്. ധനസഹായം നീട്ടിക്കൊണ്ടുള്ള ഉത്തരവ് ഈ മാസം തന്നെ പുറത്തിറങ്ങുമെന്നും മന്ത്രി വ്യക്തമാക്കി. ഈ ഇനത്തില് മാത്രം 15 കോടി രൂപയിലധികം അക്കൗണ്ടില് ഉള്പ്പെടുത്തിയിട്ടുണ്ടെന്നും അനാവശ്യമായ ആശങ്കകള് വേണ്ടെന്നും കെ. രാജന് പറഞ്ഞു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള് സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്ളീല പദപ്രയോഗങ്ങളും ദയവായി ഒഴിവാക്കുക.