ന്യൂഡല്ഹി: റഷ്യയില് നിന്ന് 288 എസ്-400 മിസൈലുകള് വാങ്ങാന് ഇന്ത്യ. 10,000 കോടി രൂപയാണ് ഇതിനായി ചെലവഴിക്കുന്നത്. പ്രതിരോധ മന്ത്രി രാജ്നാഥ് സിങിന്റെ അധ്യക്ഷതയിലുള്ള ഡിഫന്സ് അക്വിസിഷന് കൗണ്സില് (ഡിഎസി) നിന്ന് ഇതുസംബന്ധിച്ച അനുമതി നല്കിയതായാണ് റിപ്പോര്ട്ട്. 120 ഹ്രസ്വദൂര മിസൈലുകളും 168 ദീര്ഘദൂര മിസൈലുകളുമാണ് വാങ്ങുന്നത്.
ഓപ്പറേഷന് സിന്ദൂറിന്റെ സമയത്ത് പാകിസ്ഥാന് യുദ്ധ വിമാനങ്ങളെയും ഡ്രോണുകളെയും വെടിവച്ചിടാന് എസ്-400 സംവിധാനം വ്യാപകമായി ഉപയോഗിച്ചിരുന്നു. ആ സമയത്ത് തീര്ന്നുപോയ സ്റ്റോക്ക് നികത്താനാണ് പുതിയ നീക്കം. നിലവില് കരാറൊപ്പിട്ട രണ്ട് എസ്-400 മിസൈലുകള് കൂടി ഈ വര്ഷം ജൂണിലും നവംബറിലുമായി ലഭിക്കും.
പാന്റ്സിര് ഷോര്ട്ട് റേഞ്ച് സിസ്റ്റത്തിനൊപ്പം റഷ്യയില് നിന്ന് അഞ്ച് എസ്-400 സംവിധാനങ്ങള് കൂടി വാങ്ങണമെന്ന് വ്യോമസേന ആവശ്യപ്പെട്ടിരുന്നു. സായുധ ഡ്രോണുകളെയും കാമികേസ് ഡ്രോണുകളെയും നേരിടുന്നതില് റഷ്യന് മിസൈല് സംവിധാനം ഫലപ്രദമാണ്.
വ്യോമ സേനയ്ക്കായി ഫ്രാന്സില് നിന്ന് 114 റഫാല് യുദ്ധവിമാനങ്ങള് വാങ്ങാന് ഡിഫന്സ് അക്വിസിഷന് കൗണ്സില് കഴിഞ്ഞ ദിവസം അനുമതി നല്കിയിരുന്നു. ഇതടക്കം ഏകദേശം 3.60 ലക്ഷം കോടി രൂപയുടെ വിവിധ പ്രതിരോധ പദ്ധതികള്ക്കാണ് ഡിഫന്സ് അക്വിസിഷന് കൗണ്സില് അനുമതി നല്കിയിരിക്കുന്നത്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള് സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്ളീല പദപ്രയോഗങ്ങളും ദയവായി ഒഴിവാക്കുക.