ന്യൂയോർക്കിൽ 'ആഘോഷം' സിനിമയുടെ പ്രത്യേക പ്രദർശനം; സംഘാടകരായി ഇന്ത്യൻ കോൺസുലേറ്റും ഫൊക്കാനയും

ന്യൂയോർക്ക്: അമൽ കെ. ജോബി സംവിധാനം ചെയ്ത മലയാള ചലച്ചിത്രം 'ആഘോഷം' അമേരിക്കയിലെ മലയാളി പ്രേക്ഷകർക്കായി പ്രദർശിപ്പിക്കുന്നു. ന്യൂയോർക്കിലെ ഇന്ത്യൻ കോൺസുലേറ്റ് ജനറലും നോർത്ത് അമേരിക്കയിലെ കേരള അസോസിയേഷനുകളുടെ സംഘടനയായ ഫൊക്കാനയും ചേർന്നാണ് ന്യൂജേഴ്‌സിയിൽ ഈ പ്രത്യേക പ്രദർശനം സംഘടിപ്പിക്കുന്നത്.

മാർച്ച് 14 ന് ഉച്ചയ്ക്ക് രണ്ട് മണിക്കാണ് സിനിമാ പ്രദർശനം ക്രമീകരിച്ചിരിക്കുന്നത്. വെയ്‌നിലെ വില്ലോബ്രൂക്ക് ബൊളിവാർഡിലുള്ള എ.എം.സി ഓഡിറ്റോറിയം ഏഴിലാണ് വേദി. പ്രദർശനത്തിലേക്കുള്ള പ്രവേശനം തികച്ചും സൗജന്യമാണ്. എന്നാൽ സീറ്റുകൾ പരിമിതമായതിനാൽ താല്പര്യമുള്ളവർ 862-438-2361 എന്ന നമ്പറിൽ ബന്ധപ്പെട്ട് മുൻകൂട്ടി പേര് രജിസ്റ്റർ ചെയ്യേണ്ടതാണ്. ''Life is all about celebration' എന്ന ടാഗ്‌ലൈനോട് കൂടി' എത്തുന്ന ഈ ചിത്രം പ്രവാസി മലയാളികൾക്ക് ഒരു പുത്തൻ സിനിമാനുഭവമായിരിക്കും സമ്മാനിക്കുക.

പ്രവാസി സംരംഭകരായ ഡോ. ലിസി കെ. ഫെർണാണ്ടസ്, പ്രിൻസ് പ്രോസി ഓസ്ട്രിയ എന്നിവരുടെ നേതൃത്വത്തിലുള്ള സിഎൻ ഗ്ലോബൽ മൂവീസാണ് ഈ ചിത്രം നിർമ്മിച്ചിരിക്കുന്നത്. ലഹരിയുടെ ദൂഷ്യഫലങ്ങളെക്കുറിച്ച് ഗൗരവകരമായ ചർച്ചകൾക്ക് ചിത്രം വഴിവെച്ചിരുന്നു.

വിജയ രാഘവൻ, നരേൻ, റോസ്മിൻ, ധ്യാൻ ശ്രീനിവാസൻ, ജെയ്സ് ജോസ്, ജോണി ആൻ്റണി, രൺജി പണിക്കർ, അജു വർഗീസ്, ബോബി കുര്യൻ, ഷാജു ശ്രീധർ, മഖ്ബൂൽ സൽമാൻ, കോട്ടയം രമേശ്, കൈലാഷ്, ദിവ്യദർശൻ, റുഷിൻ ഷാജി കൈലാസ്, നിഖിൽ രൺജി പണിക്കർ, വിജയ് നെല്ലിസ്, നാസർ ലത്തീഫ്, ഡിനി ഡാനിയേൽ, ടൈറ്റസ് ജോൺ, ജോയ് ജോൺ ആന്റണി, അഞ്ജലി ജോസഫ്, ജെൻസ് ജോസ് എന്നിവരും നിരവധി പുതുമുഖങ്ങളും ചിത്രത്തിൽ അണിനിരക്കുന്നുണ്ട്.

പശ്ചാത്തല സംഗീതം 4 മ്യൂസിക്. ഛായാഗ്രഹണം- റോജോ തോമസ്, എഡിറ്റിംഗ് -ഡോൺ മാക്സ്. ചീഫ് അസോസിയേറ്റ് ഡയറക്ടർ -അമൽദേവ് കെ.ആർ, പ്രൊജക്റ്റ് ഡിസൈനർ -ടൈറ്റസ് ജോൺ. പ്രൊഡക്ഷൻ കൺട്രോളർ- നന്ദു പൊതുവാൾ. കലാസംവിധാനം- രജീഷ് കെ സൂര്യ. മേക്കപ്പ്-മാളൂസ് കെ പി. കോസ്റ്റ്യൂം ഡിസൈൻ- ബബിഷ കെ. രാജേന്ദ്രൻ.

കൊറിയോഗ്രാഫേഴ്സ്- സനോജ് ഡെൽഗ ഡോസ്, അന്ന പ്രസാദ്, ശ്യാം ഡോക്. പ്രൊഡക്ഷൻ എക്സിക്യൂട്ടീവ്സ്- പ്രണവ് മോഹൻ, ആൻ്റണി കുട്ടമ്പുഴ. പിആർഒ- മഞ്ജു ഗോപിനാഥ്. സ്റ്റിൽസ് -ജയ്സൺ ഫോട്ടോലാൻ്റ്. ഡിസൈൻസ് -പ്രമേഷ് പ്രഭാകർ.