ലഖ്നൗ: മരിച്ചുവെന്ന് ഡോക്ടര്മാര് വിധിയെഴുതിയതോടെ സംസ്കാര ചടങ്ങുകള്ക്കായി വീട്ടിലേയ്ക്ക് കൊണ്ടുപോകവേ ആംബുലന്സ് കുഴിയില് ചാടിയത് അമ്പതുകാരിയായ വീട്ടമ്മയ്ക്ക് രണ്ടാം ജന്മമായി. കുഴിയില് വീണതിന്റെ ആഘാതത്തില് അവര് പെട്ടെന്ന് സ്വാഭാവിക ശ്വാസം എടുത്തു തുടങ്ങുകയായിരുന്നു.
യു.പി ബറേലിയിലുള്ള ആശുപത്രിയിലെ ഡോക്ടര്മാരാണ് വിനീത ശുക്ല എന്ന സ്ത്രീ മരിച്ചെന്ന് കുടുംബത്തോട് പറഞ്ഞത്. വിനീതയുടെ ഭര്ത്താവ് കുല്ദീപ് കുമാര് ശുക്ല ഇവരെ ആശുപത്രിയില് നിന്ന് ആംബുലന്സില് വീട്ടിലേയ്ക്ക് കൊണ്ടു പോയി. സംസ്കാര ചടങ്ങുകള്ക്കുള്ള ഒരുക്കങ്ങള് തയ്യാറാക്കാന് ബന്ധുക്കളോട് നിര്ദേശിച്ചിരുന്നു.
ദേശീയ പാതയിലെ കുഴി നിറഞ്ഞ ഭാഗത്തെത്തിയപ്പോള് ആംബുലന്സ് വലിയ കുഴിയില് വീണ് കുലുങ്ങി. ശ്വാസം നിലച്ച വിനീത സാധാരണ ഗതിയില് ശ്വസിക്കാന് തുടങ്ങി. ഉടനെ തിരിച്ച് ആശുപത്രിയില് എത്തിക്കുകയും സംസ്കാര ചടങ്ങുകള് നിര്ത്തി വെയ്ക്കാന് ആവശ്യപ്പെടുകയും ചെയ്തു. തീവ്രപരിചരണ വിഭാഗത്തില് ചികിത്സയിലായിരുന്ന വിനീത തിങ്കളാഴ്ച പൂര്ണ ആരോഗ്യവതിയായി വീട്ടിലേയ്ക്ക് മടങ്ങി.
പിലിഭിത്തിലെ ജുഡീഷ്യല് കോടതിയില് സീനിയര് അസിസ്റ്റന്റായി ജോലി ചെയ്യുന്ന വിനീത ഫെബ്രുവരി 22ന് വൈകുന്നേരം വീട്ടിലെ ജോലി ചെയ്യുന്നതിനിടെയാണ് ബോധ രഹിതയായി വീണത്. പിലിഭിത്തിലെ മെഡിക്കല് കോളജില് എത്തിച്ചെങ്കിലും വിദഗ്ധ ചികിത്സയ്ക്കായി ബറേലിയിലേക്ക് മാറ്റുകയായിരുന്നു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള് സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്ളീല പദപ്രയോഗങ്ങളും ദയവായി ഒഴിവാക്കുക.