വൈക്കം: നടനും തിരക്കഥാകൃത്തുമായ പി ബാലചന്ദ്രന് (69) അന്തരിച്ചു. പുലര്ച്ചെ ആറ് മണിക്ക് വൈക്കത്തെ വീട്ടിലായിരുന്നു അദ്ദേഹത്തിന്റെ അന്ത്യം. എട്ടു മാസമായി മസ്തിഷ്കജ്വരത്തെത്തുടര്ന്ന് ചികിത്സയിലായിരുന്നു അദ്ദേഹം.
'ഇവന് മേഘരൂപന്' എന്ന സിനിമയിലൂടെ അദ്ദേഹം ചലച്ചിത്രസംവിധായകനായി. ഉള്ളടക്കം,അങ്കിള് ബണ്, പവിത്രം, തച്ചോളി വര്ഗ്ഗീസ് ചേകവര്, അഗ്നിദേവന് (വേണുനാഗവള്ളിയുമൊത്ത്), മാനസം, പുനരധിവാസം , പോലീസ് തുടങ്ങിയ ചിത്രങ്ങള്ക്ക് തിരക്കഥയും സംഭാഷണവുമെഴുതി മലയാള മനസില് സ്ഥാനം പിടിച്ചു. മമ്മൂട്ടിയുടെ വണ് ആയിരുന്നു അദ്ദേഹത്തിന്റെ അവസാന ചിത്രം.
കൊല്ലം ജില്ലയിലെ ശാസ്താം കോട്ടയില് പദ്മനാഭപിള്ളയുടെയും സരസ്വതിഭായിയുടെയും മകനായി ജനനം.മലയാളത്തിലെ അറിയപ്പെടുന്ന എഴുത്തുകാരന്,സാഹിത്യ അക്കാദമി അവാര്ഡ് ജേതാവ്. ചലച്ചിത്ര കഥ-തിരക്കഥാകൃത്ത് എന്ന നിലയില് ശ്രദ്ധേയന്.
കേരളസംസ്ഥാന പ്രൊഫഷണല് നാടക അവാര്ഡ് 1989ല് നേടി.'പ്രതിരൂപങ്ങള്' എന്ന നാടകരചനക്കായിരുന്നു അത്. 'പുനരധിവാസം' എന്ന ചിത്രത്തിന്റെ തിരക്കഥക്ക് 1999ലെ കേരള ചലച്ചിത്ര അക്കാദമി അവാര്ഡ് നേടി. മികച്ച നാടക രചനക്കുള്ള 2009ലെ കേരള സംഗീതനാടക അക്കാദമി അവാര്ഡും ബാലചന്ദ്രനായിരുന്നു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26