കോട്ടയം: ഇംഗ്ലണ്ടില്‍ നഴ്സ് ആയിരുന്ന കോട്ടയം പൊന്‍കുന്നം സ്വദേശിനിയുടെ മരണത്തില്‍ ദുരൂഹത ആരോപിച്ച് കുടുംബം. റെഡിച്ചില്‍ ജോലി ചെയ്ത് വന്ന ഷീജയുടെ മരണത്തിലാണ് ആരോപണം. അന്വേഷണം ആവശ്യപ്പെട്ട് മുഖ്യമന്ത്രിക്കും വിദേശകാര്യമന്ത്രിക്കും ബന്ധുക്കള്‍ പരാതി നല്‍കി.
ഭര്‍ത്താവ് ബൈജുവിനും മക്കള്‍ക്കുമൊപ്പം ഇംഗ്ലണ്ടിലെ റെഡിച്ചിലായിരുന്നു ഷീജ കഴിഞ്ഞിരുന്നത്. ഷീജ മരിച്ച വിവരം തിങ്കളാചയാണ് നാട്ടില്‍ അറിയുന്നത്. കടുത്ത പനിയെ തുടര്‍ന്നാണ് മരണം എന്നായിരുന്നു ആദ്യ വിവരം. പിന്നീട് ആത്മഹത്യ ആയിരുന്നുവെന്ന് വ്യക്തമായി. സംഭവത്തില്‍ ദുരൂഹത തോന്നിയതോടെയാണ് ബന്ധുക്കള്‍ പരാതിയുമായി രംഗത്തെത്തിയത്
ബൈജു ഷീജയെ മര്‍ദ്ദിച്ചിരുന്നതായി ബന്ധുക്കള്‍ പറയുന്നു. 18 വര്‍ഷമായി ജോലി ചെയ്യുന്ന ഷീജയുടെ ശമ്പളം ഭര്‍ത്താവ് കൈവശപ്പെടുത്തിയിരുന്നു എന്നും ആരോപണം. നാട്ടിലെത്തിയാലും സ്വന്തം വീട്ടില്‍ വന്ന് നില്‍ക്കാന്‍ അനുവദിച്ചിരുന്നില്ലെന്നും ബന്ധുക്കള്‍ ആരോപിക്കുന്നു. മൃതദേഹം നാട്ടിലെത്തിക്കാതിരിക്കാന്‍ ബൈജു ഇടപെടല്‍ നടത്തുന്നു എന്നും പരാതിയില്‍ വ്യക്തമാക്കുന്നു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.