ഇന്ധന വിലയിൽ ഇന്നും വർധന; പെട്രോൾ വില നൂറിന് അടുത്ത്

തിരുവനന്തപുരം: ഇന്ധനവില ഇന്നും കൂട്ടി. പെട്രോളിന് 25 പൈസയും, ഡീസലിന് 14 പൈസയുമാണ് വര്‍ദ്ധിപ്പിച്ചത്. പതിനാറ് ദിവസത്തിനിടെ ഒന്‍പതാം തവണയാണ് ഇന്ധനവില കൂട്ടുന്നത് തിരുവനന്തപുരത്ത് ഒരു ലിറ്റര്‍ പെട്രോളിന് 98 രൂപ 70 പൈസയും, ഡീസലിന് 93 രൂപ 93 പൈസയുമാണ് ഇന്നത്തെ വില.

കൊച്ചിയില്‍ പെട്രോള്‍ ലിറ്ററിന് 96 രൂപ 76 പൈസയും, ഡീസലിന് 93 രൂപ 11 പൈസയുമായി. കോഴിക്കോട് പെട്രോളിന് 97 രൂപ 13 പൈസയും, ഡീസലിന് 92 രൂപ 47 പൈസയുമാണ് ഇന്നത്തെ വില.

കേരളമടക്കമുള്ള സംസ്ഥാനങ്ങളിൽ നിയമസഭാ തെരഞ്ഞെടുപ്പ് കഴിഞ്ഞതിന് പിന്നാലെയാണ് രാജ്യത്ത് പെട്രോൾ വില വർദ്ധനവ് തുടങ്ങിയത്. കോ വിഡ് പ്രതിരോധത്തിന് ഭാഗമായി മിക്ക സംസ്ഥാനങ്ങളും ലോക്ഡൗൺ പ്രഖ്യാപിച്ച സാഹചര്യത്തിൽ രാജ്യത്തെ സാധാരണക്കാരുടെ ജീവിതം ബുദ്ധിമുട്ടുകയാണ്. ഇതിനിടയിലാണ് ഇന്ധന വിലവർദ്ധനവ്.

അതേസമയം രാജ്യത്തെ ഇന്ധന വില വിലക്കയറ്റത്തിന് വഴിവെച്ചിരിക്കുകയാണ്. ഇന്ധന വില വർധനവിന് എതിരെ രാജ്യവ്യാപക പ്രതിഷേധത്തിന് ഒരുങ്ങുകയാണ് സിപിഎം. ഒരു മാസം നീണ്ടു നിൽക്കുന്ന പ്രതിഷേധ പരിപാടികൾക്കാണ് തുടക്കമാകുന്നത്.