തിരുവനന്തപുരം: കോവിഡ് പ്രതിരോധത്തിന് മുതിര്‍ന്ന ഐഎഎസ് ഉദ്യോഗസ്ഥരെ ഇറക്കി സംസ്ഥാന സര്‍ക്കാര്‍. സംസ്ഥാനത്തെ 14 ജില്ലകളുടേയും ചുമതല ഒരോ ഐഎഎസ് ഉദ്യോഗസ്ഥരെ ഏല്‍പിക്കാന്‍ ഇന്നലെ ചേർന്ന അവലോകനയോഗത്തിൽ തീരുമാനിച്ചു.
പുതിയ നിയന്ത്രങ്ങള്‍ ഏകോപിപിക്കാനും നടപ്പാക്കാനും ഉദ്യോഗസ്ഥര്‍ ആഗസ്റ്റ് ഏഴ് വരെ ജില്ലകളില്‍ തുടരണമെന്ന് ചീഫ് സെക്രട്ടറി നിര്‍ദേശിച്ചിട്ടുണ്ട്. വകുപ്പ് സെക്രട്ടറിമാര്‍ അടക്കം സീനിയര്‍ ഐഎഎസ് ഉദ്യോഗസ്ഥരെയാണ് 14 ജില്ലകളിലും നിയമിച്ചിരിക്കുന്നത്.
കോവിഡ് സാഹചര്യത്തിൽ ഏർപ്പെടുത്തിയ ലോക്ക്ഡൗണ്‍ നിയന്ത്രണങ്ങളില്‍ മാറ്റം വരുത്താന്‍ തീരുമാനിച്ചതിന് പിന്നാലെയാണ് കോവിഡ് പ്രതിരോധത്തിന് മുതിര്‍ന്ന ഐഎഎസ് ഉദ്യോഗസ്ഥരെ നിയമിച്ചിരിക്കുന്നത്. ടിപിആര്‍ അടിസ്ഥാനത്തില്‍ തദ്ദേശസ്ഥാപനങ്ങളില്‍ നിയന്ത്രണമേര്‍പ്പെടുത്തുന്ന നിലവിലെ രീതി മാറ്റി ഓരോ ആഴ്ചയിലേയും കോവിഡ് രോഗികളുടെ എണ്ണം പരിശോധിച്ച്‌ കൂടുതല്‍ കൊവിഡ് രോഗികളുള്ള സ്ഥലങ്ങളില്‍ മൈക്രോ കണ്ടെയ്ന്‍മെന്റ് സോണുകള്‍ പ്രഖ്യാപിക്കാനാണ് സര്‍ക്കാരിന്റെ തീരുമാനം.
അതേസമയം വാരാന്ത്യ ലോക്ക്ഡൗണ്‍ ഞായറാഴ്ച മാത്രമാക്കി എല്ലാ ദിവസവും കടകള്‍ തുറക്കാനും പ്രവര്‍ത്തനസമയം കൂട്ടാനും ധാരണയായിട്ടുണ്ട്. പുതിയ നിയന്ത്രണങ്ങള്‍ ഇന്ന് ആരോഗ്യമന്ത്രി നിയമസഭയില്‍ പ്രഖ്യാപിക്കും എന്നാണ് സര്‍ക്കാര്‍ വൃത്തങ്ങള്‍ അറിയിക്കുന്നത്.
കോവിഡ് പ്രതിരോധത്തിന് ജില്ലകളുടെ ചുമതലയുള്ള ഐഎഎസ് ഉദ്യോഗസ്ഥര്‍
കാസര്‍കോട് - സൗരഭ് ജെയിന്‍
കണ്ണൂര്‍ - ബിജു പ്രഭാകര്‍
വയനാട് - രാജേഷ് കുമാര്‍ സിന്‍ഹ
കോഴിക്കോട് - സഞ്ജയ് കൗള്‍
മലപ്പുറം - ആനന്ദ് സിങ്
പാലക്കാട് - കെ ബിജു
തൃശൂര്‍ - മുഹമ്മദ് ഹനിഷ്
എറണാകുളം - കെ.പി ജ്യോതിലാല്‍
ഇടുക്കി - രാജു നാരായണസ്വാമി
കോട്ടയം - അലി അസ്ഗര്‍ പാഷ
ആലപ്പുഴ - ശര്‍മിള മേരി ജോസഫ്
പത്തനംതിട്ട - റാണി ജോര്‍ജ്
കൊല്ലം - ടിങ്കു ബിസ്വാള്‍
തിരുവനന്തപുരം - മിനി ആന്റണി
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.