കൊച്ചി : ലോക്ഡൗണ്‍ നിയന്ത്രണങ്ങളില്‍ ഇളവു തേടി വ്യാപാരികള്‍ നല്‍കിയ ഹര്‍ജി ഹൈക്കോടതി ഇന്ന് പരിഗണിക്കും. എല്ലാ ദിവസവും കടകള്‍ തുറക്കാന്‍ അനുവദിക്കണമെന്നാണ് ഹര്‍ജിയിലെ പ്രധാന ആവശ്യം.
അതേസമയം നിയന്ത്രണങ്ങളില്‍ മാറ്റം വരുത്തിയ കാര്യം സര്‍ക്കാര്‍ കോടതിയെ അറിയിക്കും. പുതിയ ഉത്തരവ് പ്രകാരം കടകളില്‍ എത്തുന്നവര്‍ കോവിഡ് വാക്‌സിന്‍ എടുത്തതിന്റെയോ, ആര്‍ടിപിസിആര്‍ നെഗറ്റീവ് സര്‍ട്ടിഫിക്കറ്റോ കാണിക്കണമെന്ന നിര്‍ദേശത്തില്‍ വ്യാപാരികള്‍ കോടതിയില്‍ ആശങ്ക അറിയിക്കും. ഇത്തരത്തില്‍ പരിശോധിച്ച്‌ ഉറപ്പു വരുത്തി കടകളില്‍ സാധനം നല്‍കുക അപ്രായോഗികമാണെന്ന് വ്യാപാരികള്‍ ചൂണ്ടിക്കാട്ടുന്നു.
ജനങ്ങളെ ബുദ്ധിമുട്ടിക്കുന്ന തരത്തില്‍ നിയന്ത്രണങ്ങള്‍ നടപ്പാക്കേണ്ടെന്ന് ജില്ലാ പൊലീസ് മേധാവിമാര്‍ക്ക് കളക്ടര്‍മാര്‍ നിര്‍ദേശം നല്‍കി. എന്നാല്‍ സാമൂഹിക അകലം പാലിക്കുന്നുണ്ടോ എന്ന കാര്യം ഉറപ്പു വരുത്താനും നിര്‍ദേശിച്ചിട്ടുണ്ട്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.