ടോക്യോ: ഒളിമ്പിക്സ് ഗുസ്തിയില്‍ ഇന്ത്യക്ക് രണ്ടാം മെഡല്‍. ബജ്രംഗ് പുനിയയാണ് ഇന്ത്യക്കായി 65 കിലോ ഫ്രീസ്റ്റൈല്‍ ഗുസ്തിയില്‍ വെങ്കല മെഡല്‍ സ്വന്തമാക്കിയത്. കസാഖിസ്താന്‍ താരം ദൗലത് നിയാസ്ബെക്കോവിനെ തോല്‍പ്പിച്ചാണ് ബജ്രംഗ് പുനിയയുടെ മെഡല്‍ നേട്ടം.
8-0 എന്ന സ്കോറിനാണ് ബജ്രംഗ് പുനിയ ഗുസ്തിയില്‍ കസാഖ് താരത്തെ തകര്‍ത്ത് വിട്ടത്. ഇതോടെ ടോക്യോയിലെ ഇന്ത്യയുടെ മെഡല്‍ നേട്ടം ആറായി ഉയര്‍ന്നു. അധികാരിമായാണ് പുനിയ വെങ്കല മെഡല്‍ സ്വന്തമാക്കിയത്. ആദ്യ റൗണ്ടില്‍ രണ്ട് പോയിന്റ് നേടിയ പുനിയ രണ്ടാം റൗണ്ടില്‍ ആറ് പോയിന്റ് നേടി വിജയമുറപ്പിച്ചു.
സെമിയില്‍ അസര്‍ബൈജാന്റെ ഹാജി അലെവയോട് ബജ്രംഗ് പരാജയപ്പെട്ടിരുന്നു. ക്വാര്‍ട്ടറില്‍ ഇറാന്റെ മൊര്‍ത്താസ ഗിയാസിയെ പരാജയപ്പെടുത്തിയാണ് ബജ്രംഗ് പുനിയ സെമിയിലേക്ക് മുന്നേറിയത്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.