യുഎഇയില്‍ കോവിഡ് കേസുകള്‍ കുറയുന്നു; സൗദിയില്‍ ഒമ്പത് മരണം

ജിസിസി: യുഎഇയില്‍ വെള്ളിയാഴ്ച 1070 പേരില്‍ കോവിഡ് 19 റിപ്പോർട്ട് ചെയ്തു. 311295 പരിശോധനകള്‍ നടത്തിയപ്പോഴാണ് ഇത്രയും പേർക്ക് രോഗബാധ സ്ഥിരീകരിച്ചത്. 2 മരണവും റിപ്പോർട്ട് ചെയ്തു. 1619 പേർ രോഗമുക്തി നേടി. ആക്ടീവ് കേസുകള്‍ 17578 ആണ്. രാജ്യത്ത് ഇതുവരെ 707236 പേരിലാണ് കോവിഡ് റിപ്പോർട്ട് ചെയ്തത്. 687644 പേർ രോഗമുക്തി നേടി. 2014 മരണവും സ്ഥിരീകരിച്ചു.



സൗദി അറേബ്യയില്‍ 458 പേരില്‍ രോഗം പുതുതായി സ്ഥിരീകരിച്ചപ്പോള്‍ 753 പേർ രോഗമുക്തരായി. 9 മരണവും റിപ്പോർട്ട് ചെയ്തു. 5554 ആണ് ആക്ടീവ് കേസുകള്‍. റിയാദില്‍ 123 പേരിലും മക്കയില്‍ 71 പേരിലും കോവിഡ് റിപ്പോർട്ട് ചെയ്തു. രാജ്യത്ത് ഇതുവരെ 541201 പേരിലാണ് കോവിഡ് റിപ്പോർട്ട് ചെയ്തത്. 527189 പേർ രോഗമുക്തി നേടി. 8458 പേരാണ് മരിച്ചത്. രാജ്യത്ത് കോവിഡ് ബാധിച്ച് 1205 പേർ ഗുരുതരാവസ്ഥയില്‍ ചികിത്സയിലാണ്.



ബഹ്റിനില്‍ 79 പേരില്‍ കോവിഡ് റിപ്പോർട്ട് ചെയ്തപ്പോള്‍ 126 പേർ രോഗമുക്തി നേടി. മരണമൊന്നും റിപ്പോർട്ട് ചെയ്തില്ലെന്നുളളത് ആശ്വാസമായി. ആക്ടീവ് കേസുകള്‍ 1085 ആണ്. 5 പേരാണ് ഗുരുതരാവസ്ഥയില്‍ ചികിത്സയിലുളളത്.



ഖത്തറില്‍ രാജ്യത്ത് തന്നെയുളള 143 പേരിലും യാത്ര ചെയ്തെത്തിയ 78 പേരിലും കോവിഡ് സ്ഥിരീകരിച്ചു. 2845 ആണ് ആക്ടീവ് കേസുകള്‍. 193 പേർ രോഗമുക്തി നേടി. മരണമൊന്നും റിപ്പോർട്ട് ചെയ്തിട്ടില്ലെന്നുളളത് ആശ്വാസമാണ്.


കുവൈത്തില്‍ 226 പേരില്‍ കോവിഡ് റിപ്പോർട്ട് ചെയ്തപ്പോള്‍ 610 പേർ രോഗമുക്തി നേടി. 2 മരണവും റിപ്പോർട്ട് ചെയ്തു. രാജ്യത്ത് ഇതുവരെ 407878 പേർക്ക് കോവിഡ് റിപ്പോർട്ട് ചെയ്തപ്പോള്‍ 400148 പേരാണ് രോഗമുക്തി നേടിയത്. 2401 പേർ മരിച്ചു.