ദുബായ്: ഇന്ത്യയില്‍ നിന്നുള്ള സന്ദര്‍ശക വിസക്കാര്‍ക്കും എല്ലാത്തരം എന്‍ട്രി പെര്‍മിറ്റ് ഉള്ളവര്‍ക്കും ഷാര്‍ജയിലേക്കും റാസല്‍ ഖൈമയിലേക്കും യാത്ര ചെയ്യാമെന്ന് വിവിധ വിമാന കമ്പനികള്‍. യുഎഇ അടുത്തിടെ അനുവദിച്ച താമസ തൊഴില്‍ സന്ദര്‍ശക വിസകള്‍ ഉള്ളവര്‍ക്കാണ് ഷാര്‍ജ റാസ്സല്‍ഖൈമ വിമാനത്താവളം വഴി യുഎഇയിലെത്താന്‍ അനുമതി. എയര്‍ അറേബ്യയും എയര്‍ ഇന്ത്യ എക്‌സ്പ്രസ്സുമാണ് ഇക്കാര്യം അറിയിച്ചത്.
യാത്രക്കാര്‍ ലോകാരോഗ്യ സംഘടന അംഗീകരിച്ച കോവിഡ് വാക്‌സിനുകളിലൊന്നിന്റെ രണ്ട് ഡോസും എടുത്തിരിക്കണം. രണ്ടാം ഡോസ് എടുത്ത് 14 ദിവസം കഴിഞ്ഞിരിക്കണം. ദുബായ് താമസ വിസക്കാര്‍ ജിഡിആര്‍എഫ്എയില്‍ നിന്ന് റിട്ടേണ്‍ പെര്‍മിറ്റ് വാങ്ങിയിരിക്കണം. മറ്റ് എമിറേറ്റുകാര്‍ ഐസിഎ അനുമതിയും നേടിയിരിക്കണം.
സന്ദര്‍ശക വിസക്കാര്‍ ഐസിഎ പോര്‍ട്ടലില്‍ രജിസ്റ്റര്‍ അറൈവലില്‍ വിവരങ്ങള്‍ രേഖപെടുത്തണം. വാക്‌സിനേഷന്‍ സര്‍ട്ടിഫിക്കറ്റ് അപ്ലോഡ് ചെയ്യണം. 12 വയസ്സില്‍ താഴെയുള്ള കുട്ടികള്‍ക്ക് 48 മണിക്കൂര്‍ മുമ്പുള്ള പിസിആര്‍ പരിശോധനയോ വിമാനത്താവളത്തില്‍ വെച്ചുള്ള റാപ്പിഡ് പിസിആര്‍ പരിശോധനയോ ആവശ്യമില്ല. കൂടാതെ സന്ദര്‍ശക വിസയില്‍ ദുബായിലെത്താന്‍ ഐസിഎ ജിഡിആര്‍എഫ്എ അനുമതിയോ, കോവിഡ് വാക്‌സിനേഷന്‍ സര്‍ട്ടിഫിക്കറ്റോ നിര്‍ബന്ധമില്ലെന്ന് എമിറേറ്റ്‌സ് എയര്‍ലൈന്‍ വ്യക്തമാക്കി.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26