കേന്ദ്ര വാണിജ്യ-വ്യവസായ മന്ത്രാലയത്തിന് കീഴിലുള്ള സ്വയംഭരണ സ്ഥാപനമായ ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ഫോറിന്‍ ട്രേഡിന്റെ (ഐ.ഐ.എഫ്.ടി) ഡല്‍ഹി, കൊല്‍ക്കത്ത ക്യാമ്പസുകളിൽ 2022-24 വര്‍ഷം നടത്തുന്ന ഫുള്‍ടൈം റസിഡന്‍ഷ്യല്‍ എം.ബി.എ ഇന്റര്‍നാഷനല്‍ ബിസിനസ് പ്രോഗ്രാം പ്രവേശനത്തിന് അപേക്ഷകൾ ക്ഷണിച്ചു.
ഓണ്‍ലൈനായി ഒക്ടോബര്‍ 15വരെ അപേക്ഷ സമര്‍പ്പിക്കാം. പ്രവേശന വിജ്ഞാപനം, ഇന്‍ഫര്‍മേഷന്‍ ബുള്ളറ്റിന്‍ https://iift.nta.nic.in ല്‍ നിന്ന് ഡൗണ്‍ലോഡ് ചെയ്യാം. നാഷനല്‍ ടെസ്റ്റിങ് ഏജന്‍സി ഡിസംബര്‍ അഞ്ചിന് ഞായറാഴ്ച രാവിലെ 10 മുതല്‍ 12 വരെ നടത്തുന്ന കമ്പ്യൂട്ടർ അധിഷ്ഠിത എന്‍ട്രന്‍സ് ടെസ്റ്റ്, ഗ്രൂപ്പ് ചര്‍ച്ച, റൈറ്റിങ് സ്കില്‍സ് അസസ്മെന്റ്, അഭിമുഖം എന്നിവയുടെ അടിസ്ഥാനത്തിലാണ് സെലക്ഷന്‍.
മള്‍ട്ടിപ്പിള്‍ ചോയ്സ് ഒബ്ജക്ടിവ് മാതൃകയിലുള്ള എന്‍ട്രന്‍സ് ടെസ്റ്റില്‍ റീഡിങ് കോംപ്രിഹെന്‍ഷന്‍ ആന്‍ഡ് വെര്‍ബല്‍ എബിലിറ്റി, ക്വാണ്ടിറ്റേറ്റിവ് അനാലിസിസ്, ഡേറ്റ ഇന്‍റര്‍പ്രട്ടേഷന്‍ ആന്‍ഡ് ലോജിക്കല്‍ റീസണിങ്, പൊതുവിജ്ഞാനം എന്നിവയില്‍ പ്രാവീണ്യമളക്കുന്ന ചോദ്യങ്ങളുണ്ടാവും. കേരളത്തില്‍ തിരുവനന്തപുരം, എറണാകുളം, കോഴിക്കോട് പരീക്ഷകേന്ദ്രങ്ങളാണ്. ടെസ്റ്റില്‍ യോഗ്യത നേടുന്നവരുടെ ചുരുക്കപ്പട്ടിക തയാറാക്കി ചെന്നൈ, ബംഗളൂരു, ഹൈദരാബാദ്, ഡല്‍ഹി, മുംബൈ മുതലായ കേന്ദ്രങ്ങളില്‍ ഗ്രൂപ്പുചര്‍ച്ചയും ഇന്‍റര്‍വ്യൂവും നടത്തി മെറിറ്റ് ലിസ്റ്റ് തയാറാക്കും.
ഏതെങ്കിലും ഡിസിപ്ലിനില്‍ 50 ശതമാനം മാര്‍ക്കില്‍ കുറയാതെ അംഗീകൃത ബാച്ചിലേഴ്സ് ബിരുദമെടുത്തവര്‍ക്കും ഫൈനല്‍ യോഗ്യതപരീക്ഷയെഴുതുന്നവര്‍ക്കും അപേക്ഷിക്കാം. 2022 ഒക്ടോബര്‍ ഏഴിനകം യോഗ്യത തെളിയിച്ചാല്‍ മതി. യോഗ്യതപരീക്ഷയില്‍ എസ്.സി/എസ്.ടി/പി.ഡബ്ല്യു.ഡി വിഭാഗങ്ങള്‍ക്ക് 45 ശതമാനം മാര്‍ക്ക് മതി. പ്രായപരിധിയില്ല.
അപേക്ഷഫീസ് 2500 രൂപ. എസ്.സി/എസ്.ടി/പി.ഡബ്ല്യു.ഡി/ട്രാന്‍സ്ജെന്‍ഡര്‍ വിഭാഗങ്ങളില്‍പെടുന്നവര്‍ക്ക് 1000 രൂപ മതി. ജി.എസ്.ടി കൂടി നല്‍കേണ്ടിവരും. അപേക്ഷ നിര്‍ദേശാനുസരണം ഓണ്‍ലൈനായി ഒക്ടോബര്‍ 15നകം സമര്‍പ്പിക്കണം. https://iift.nta.nic.inല്‍ 'Apply online' ബട്ടണില്‍ ഇതിനുള്ള സൗകര്യമുണ്ട്. അപേക്ഷസമര്‍പ്പണത്തിനുള്ള നിര്‍ദേശങ്ങള്‍ ഇന്‍ഫര്‍മേഷന്‍ ബുള്ളറ്റിനിലുണ്ട്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.