കോട്ടയം: മൂര്‍ഖന്‍ പാമ്പിന്റെ കടിയേറ്റ് കോട്ടയം മെഡിക്കല്‍ കോളേജ് ആശുപത്രിയില്‍ ചികിത്സയില്‍ കഴിയുന്ന വാവ സുരേഷിനെ ആരോഗ്യനില മെച്ചപ്പെട്ടതോടെ ഇന്ന് രാവിലെ റൂമിലേക്ക് മാറ്റി. അദ്ദേഹം ഓര്‍മശക്തിയും സംസാരശേഷിയും പൂര്‍ണമായും വീണ്ടെടുത്തിട്ടുണ്ടെന്ന് മെഡിക്കല്‍ കോളേജ് ആശുപത്രി സൂപ്രണ്ട് ഡോ. ടി കെ ജയകുമാര്‍ അറിയിച്ചു.
ഭക്ഷണം കഴിച്ചു തുടങ്ങിയിട്ടുണ്ട്. കഴിഞ്ഞ ദിവസം തന്നെ വാവ സുരേഷിന്റെ ആരോഗ്യനിലയില്‍ കാര്യമായ പുരോഗതി ഉണ്ടായിരുന്നു. പേര് ചോദിച്ചപ്പോള്‍ 'ഞാന്‍ സുരേഷ്, വാവ സുരേഷ്' എന്ന് അദ്ദേഹം മറുപടി നല്‍കുകയും ചെയ്തിരുന്നു.ചോദ്യങ്ങളോട് കൃത്യമായി പ്രതികരിച്ചത് തലച്ചോറിലേക്കുള്ള രക്തയോട്ടം സാധാരണ നിലയിലായതിന്റെ സൂചനയായാണ് കണക്കാക്കുന്നത്.
ആരോഗ്യനില മെച്ചപ്പെട്ടതിനെ തുടര്‍ന്ന് സുരേഷിനെ ഇന്നലെ വെന്റിലേറ്ററില്‍ നിന്ന് മാറ്റിയിരുന്നു. ഡോക്ടറുടെ സഹായത്തോടെ അദ്ദേഹം അല്‍പം നടക്കുകയും ദ്രവരൂപത്തിലുള്ള ആഹാരം കഴിക്കുകയും ചെയ്തിരുന്നു. കോട്ടയം കുറിച്ചിയില്‍ വച്ച് കഴിഞ്ഞ തിങ്കളാഴ്ചയാണ് സുരേഷിന് മുര്‍ഖന്റെ കടിയേറ്റത്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.