വധ ഭീഷണി മുഴക്കി എന്‍ഐഎയുടെ മുംബൈ ബ്രാഞ്ചിലേയ്ക്ക് ഇ മെയില്‍ സന്ദേശം.
ന്യൂഡല്‍ഹി: പ്രധാനമന്ത്രി നരേന്ദ്ര മോഡിയെ വധിക്കാന്‍ തീവ്രവാദികളുടെ 20 സ്ലീപ്പര്‍ സെല്ലുകള്‍ രാജ്യത്ത് സജീവമെന്ന് എന്‍ഐഎയുടെ മുന്നറിയിപ്പ്. ഇക്കാര്യം വ്യക്തമാക്കി എന്‍ഐഎയുടെ മുംബൈ ബ്രാഞ്ചിലേയ്ക്ക് ഇ മെയില്‍ സന്ദേശം ലഭിച്ചു.
സന്ദേശത്തിന്റെ ഉറവിടം പുറത്തു വിട്ടിട്ടില്ലെങ്കിലും രാജ്യത്തെ എല്ലാ അന്വേഷണ ഏജന്‍സികള്‍ക്കും പ്രധാനമന്ത്രിയുടെ ഓഫീസിനും ആഭ്യന്തര മന്ത്രാലയത്തിനും എന്‍ഐഎ ഇത് കൈമാറിയിട്ടുണ്ട്. ഇതോടെ പ്രധാനമന്ത്രിയുടെ സുരക്ഷ കൂടുതല്‍ ശക്തമാക്കുകയും അതീവ ജാഗ്രതാ മുന്നറിയിപ്പ് നല്‍കുകയും ചെയ്തിട്ടുണ്ട്.
പ്രധാനമന്ത്രിയെ വധിക്കാന്‍ 20 സ്ലീപ്പര്‍ സെല്ലുകള്‍ സജീവമാക്കിയിട്ടുണ്ടെന്നും ഈ സ്ലീപ്പര്‍ സെല്ലുകളുടെ കൈവശം 20 കിലോഗ്രാം ആര്‍ഡിഎക്സ് ഉണ്ടെന്നും സന്ദേശത്തില്‍ വ്യക്തമാക്കിയിട്ടുണ്ട്.
പ്രധാനമന്ത്രി നരേന്ദ്ര മോഡിയെ വധിക്കാനുള്ള പദ്ധതിക്ക് അന്തിമ തീരുമാനം ആയെന്നും അത് നടപ്പിലാക്കാന്‍ അവസരം കാത്തിരിക്കുകയാണെന്നും പറയുന്ന ഇ മെയില്‍ സന്ദേശത്തില്‍ വിവിധ ഭീകര സംഘടനയിലെ പ്രധാനികള്‍ എല്ലാവരും ഇതില്‍ ബന്ധപ്പെട്ടിരിക്കുന്നുവെന്നും വ്യക്തമാക്കുന്നു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.