മോഡി സര്‍ക്കാരിന്റെ എട്ടാം വാര്‍ഷികം: പരാജയങ്ങള്‍ ചൂണ്ടിക്കാണിച്ച് റിപ്പോര്‍ട്ട് കാര്‍ഡുമായി കോണ്‍ഗ്രസ്

ന്യൂഡൽഹി: മോഡി സർക്കാരിന്റെ എട്ടുവർഷം പൂർത്തിയാകുന്ന അവസരത്തിൽ പരാജയങ്ങള്‍ ചൂണ്ടിക്കാണിച്ച് റിപ്പോർട്ട് കാർഡ് നൽകാനൊരുങ്ങി കോൺഗ്രസ്.

കോൺഗ്രസ് ജനറൽ സെക്രട്ടറിമാരായ അജയ് മാക്കനും രൺദീപ് സിങ് സുർജേവാലയും ഡൽഹിയിൽ വാർത്താസമ്മേളനത്തിൽ റിപ്പോർട്ട് കാർഡ് പുറത്തുവിടുമെന്നാണ് റിപ്പോർട്ട്.

മുപ്പത്തിനാണ് നരേന്ദ്ര മോഡി സർക്കാരിന്റെ എട്ടാം വാർഷികദിനം. അതിന് മുൻപേ തന്നെ സർക്കാരിന്റെ വിവിധ മേഖലകളിലെ പരാജയങ്ങളെ ചൂണ്ടിക്കാണിച്ചുള്ള എ.ഐ.സി.സിയുടെ കമ്യൂണിക്കേഷൻ വിഭാഗം റിപ്പോർട്ട് തയ്യാറാക്കി കഴിഞ്ഞുവെന്നാണ് സൂചന.

സമ്പദ് വ്യവസ്ഥ, വിദേശനയം, സാമുദായിക ഐക്യം, പണപ്പെരുപ്പം തുടങ്ങി വിവിധ മേഖലകളിലെ മോഡി സർക്കാരിന്റെ പരാജയങ്ങളും പ്രകടനവും ചൂണ്ടിക്കാണിച്ചുകൊണ്ടുള്ളതാണ് റിപ്പോർട്ട്.