തിരുവനന്തപുരം: വിവാദ പരാമര്‍ശത്തെ തുടര്‍ന്ന് രാജിവച്ച മന്ത്രി സജി ചെറിയാന്റെ പകരക്കാരന്‍ ഉടനുണ്ടാകില്ല. സജി ചെറിയാന് കൈകാര്യം ചെയ്തിരുന്ന വകുപ്പുകള്‍ മുഖ്യമന്ത്രി ഏറ്റെടുക്കും. സാംസ്‌കാരിക, ഫിഷറീസ് വകുപ്പുകളാണ് പിണറായി വിജയന്‍ ഏറ്റെടുക്കുന്നത്.
ക്രൈസ്തവ സമുദായത്തില്‍ നിന്നുള്ള മന്ത്രിയാണ് രാജിവച്ചത്. അതുകൊണ്ട് സജി ചെറിയാന് പകരം വരുന്നയാളും ഇതേ സമുദായത്തില്‍ നിന്ന് വേണമെന്ന അഭിപ്രായം പാര്‍ട്ടിക്കകത്തുണ്ട്. പുതിയ മന്ത്രിയുടെ കാര്യത്തില്‍ ഉടന്‍ തീരുമാനം വേണ്ടെന്ന് വയ്ക്കാനുള്ള കാരണവും സമുദായിക സമവാക്യം ചര്‍ച്ചയില്‍ വരുമെന്നത് തന്നെയാണ്.
കോടതി ഇടപെടലുണ്ടാകുമെന്ന് അഡ്വക്കേറ്റ് ജനറലിന്റെ നിയമോപദേശം സര്‍ക്കാരിന് ലഭിച്ചതിന് പിന്നാലെയാണ് സജി ചെറിയാന് രാജിവച്ചത്. മന്ത്രിസഭാ യോഗത്തിന് ശേഷം മുഖ്യമന്ത്രിയുടെ ചേംബറിലെത്തിയ സജി ചെറിയാന് രാജിക്കത്ത് കൈമാറുകയായിരുന്നു. രാജിയ്ക്ക് മുഖ്യമന്ത്രി നിര്‍ബന്ധിച്ചിട്ടില്ലെന്നും സ്വന്തം ഇഷ്ടപ്രകാരമാണ് രാജി വയ്ക്കുന്നതെന്നും സജി ചെറിയാന് വാര്‍ത്താ സമ്മേളനത്തില്‍ പറഞ്ഞു.
താന്‍ ഭരണഘടനയെ തള്ളിപ്പറഞ്ഞിട്ടില്ലെന്നും തന്റെ പ്രസംഗം ദുര്‍വ്യാഖ്യാനിക്കപ്പെട്ടെും ഇതില്‍ വിഷമമുണ്ടെന്നും സജി ചെറിയാന് കൂട്ടിച്ചേര്‍ത്തു. സിപിഎം മലപ്പള്ളി ഏരിയാ കമ്മിറ്റിയുടെ ഫെയ്സ്ബുക്ക് പേജിലൂടെ നടത്തിവരുന്ന പ്രതിവാര രാഷ്ട്രീയ നിരീക്ഷണം 100 വാരം പൂര്‍ത്തിയാക്കിയതിന്റെ അനുമോദന സമ്മേളനം ഉദ്ഘാടനം ചെയ്ത് സംസാരിക്കുന്നതിനിടെയാണ് സജി ചെറിയാന് വിവാദ പരാമര്‍ശം നടത്തിയത്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.