ന്യൂഡൽഹി: കൊൽക്കത്തയിലെ ഈഡൻ ഗാർഡൻസിൽ സൗരവ് ഗാംഗുലി നയിക്കുന്ന ഇന്ത്യാ മഹാരാജാസും ഓയിൽ മോർഗൻ നയിക്കുന്ന വേൾഡ് ജയന്റ്‌സും തമ്മിലുള്ള പ്രത്യേക ചാരിറ്റി മത്സരത്തോടെ ലെജൻഡ്സ് ലീഗ് ക്രിക്കറ്റ് ടൂർണമെന്റ് സെപ്തംബർ 16ന് ആരംഭിക്കും.
ഇന്ത്യൻ സ്വാതന്ത്ര്യത്തിന്റെ 75-ാം വാർഷികത്തോട് അനുബന്ധിച്ച് നടത്തുന്ന ടൂർണമെന്റിൽ സൗരവ് ഗാംഗുലിയ്ക്ക് പുറമേ സൂപ്പര്‍ താരങ്ങളായ വീരേന്ദര്‍ സെവാഗ്, ഹര്‍ഭജന്‍ സിങ്, മുഹമ്മദ് കൈഫ്, മലയാളി തരം ശ്രീശാന്ത് തുടങ്ങിയവർ കളിക്കും. സച്ചിൻ ടെണ്ടുൽക്കർ കളിക്കുന്നില്ല.
ഒരു ഇന്ത്യൻ എന്ന നിലയിൽ സ്വാതന്ത്ര്യത്തിന്റെ 75-ാം വാർഷികത്തിനായി ടൂർണമെന്റ് സമർപ്പിക്കുന്നു എന്ന തീരുമാനം പങ്കിടുന്നതിൽ അഭിമാനമുണ്ടെന്ന് ഇന്ത്യയുടെ മുൻ മുഖ്യ പരിശീലകനും ലെജൻഡ്സ് ലീഗ് ക്രിക്കറ്റ് (എൽഎൽസി) കമ്മീഷണറുമായ രവി ശാസ്ത്രി വെള്ളിയാഴ്ച പറഞ്ഞു.
ടീം ഇന്ത്യാ മഹാരാജാസ്: സൗരവ് ഗാംഗുലി, വിരേന്ദര്‍ സെവാഗ്, മുഹമ്മദ് കൈഫ്, യൂസഫ് പഠാന്‍, എസ് ബദ്രിനാഥ്, ഇര്‍ഫാന്‍ പഠാന്‍, പാര്‍ത്ഥിവ് പട്ടേല്‍, സ്റ്റ്യുവര്‍ട്ട് ബിന്നി, എസ്.ശ്രീശാന്ത്, ഹര്‍ഭജന്‍ സിങ്, നമന്‍ ഓജ, അശോക് ഡിന്‍ഡ, പ്രഗ്യാന്‍ ഓജ, അജയ് ജഡേജ, ആര്‍.പി.സിങ്, ജോഗീന്ദര്‍ ശര്‍മ, റീതീന്ദര്‍ സിങ് സോധി
ടീം വേള്‍ഡ് ജയന്റ്‌സ്: ഒയിന്‍ മോര്‍ഗന്‍, ലെന്‍ഡില്‍ സിമ്മണ്‍സ്, ഹെര്‍ഷല്‍ ഗിബ്‌സ്, ജാക്വസ് കാലിസ്, സനത് ജയസൂര്യ, മാറ്റ് പ്രയര്‍, നഥാന്‍ മക്കല്ലം, ജോണ്ടി റോഡ്‌സ്, മുത്തയ്യ മുരളീധരന്‍, ഡെയ്ല്‍ സ്‌റ്റെയ്ന്‍, ഹാമില്‍ട്ടണ്‍ മസാകട്‌സ, മഷ്‌റാഫി മൊര്‍ത്താസ, അസ്ഗര്‍ അഫ്ഗാന്‍, മിച്ചല്‍ ജോണ്‍സണ്‍, ബ്രെറ്റ് ലീ, കെവിന്‍ ഒബ്രയന്‍, ദിനേശ് രാംദിന്‍.
2015 ൽ സച്ചിൻ ടെണ്ടുൽക്കറും ഷെയ്ൻ വോണും പങ്കെടുത്ത ലെജൻഡ്സ് ടൂർണമെന്റിൽ ഗാംഗുലി പങ്കെടുത്തിരുന്നു. ശേഷം അടുത്തിടെ ബോർഡ് ഉദ്യോഗസ്ഥർ തമ്മിലുള്ള സൗഹൃദ മത്സരങ്ങളിൽ മുൻ ഇന്ത്യൻ ക്യാപ്റ്റൻ കളിച്ചിട്ടുണ്ടെങ്കിലും, അവ ആരാധകർക്ക് മുന്നിൽ അടച്ച വാതിലുകളായിരുന്നു. ഇപ്പോൾ, ഒറ്റ ഓഫ് മത്സരം ഇന്ത്യയിൽ നടക്കാനിരിക്കെ, വർഷങ്ങൾക്ക് ശേഷം ദാദയുടെ കളി കാണാൻ ആരാധകർക്ക് അവസരം ലഭിക്കും.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.