ന്യൂഡല്ഹി: പശ്ചിമ ബംഗാള് അടക്കം അഞ്ച് സംസ്ഥാനങ്ങളിലെ കരട് വോട്ടര് പട്ടിക പ്രസിദ്ധീകരിച്ച് തിരഞ്ഞെടുപ്പ് കമ്മീഷന്. ബംഗാളില് 58.19 ലക്ഷം പേരെ പട്ടികയില് നിന്ന് ഒഴിവാക്കി. പശ്ചിമ ബംഗാള്, രാജസ്ഥാന്, ഗോവ, പുതുച്ചേരി, ലക്ഷദ്വീപ് എന്നിവിടങ്ങളിലെ കരട് പട്ടികയാണ് പുറത്ത് വന്നത്. അതില് 1.38 ലക്ഷം വ്യാജ വോട്ടുകള് ഉണ്ടെന്നും കണ്ടെത്തി.
2026 ലെ നിയമസഭാ തിരഞ്ഞെടുപ്പിന് മുന്നോടിയായി ഒരു മാസത്തിലേറെ നീണ്ടുനിന്ന എസ്ഐആര് നടപടി ക്രമങ്ങള്ക്ക് പിന്നാലെയാണ് കരട് വോട്ടര് പട്ടിക പ്രസിദ്ധീകരിച്ചത്. കരട് വോട്ടര് പട്ടിക തിരഞ്ഞെടുപ്പ് കമ്മിഷന്റെ സൈറ്റുകളില് ലഭ്യമാണ്. രാജസ്ഥാനിലെ പട്ടികയില് നിന്ന് 42 പേരെ ഒഴിവാക്കി. കൂടുതല് പേരെ പട്ടികയില് നിന്ന് നീക്കം ചെയ്തത് ജയ്പൂരിലാണ്.
ഏറ്റവും കുറവ് പേരുകള് നീക്കം ചെയ്തിട്ടുള്ളത് ലക്ഷദ്വീപിലുമാണ്. 2.5 ശതമാനം പേരുകള് മാത്രമാണ് ലക്ഷദ്വീപില് നിന്നും നീക്കം ചെയ്തിട്ടുള്ളത്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള് സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്ളീല പദപ്രയോഗങ്ങളും ദയവായി ഒഴിവാക്കുക.