ഹരിയാന: ഹരിയാനയിലെ ദയാനന്ദ സര്‍വകലാ കോളജ് കാമ്പസില്‍ വെടിവെപ്പ്. ഒരു വിദ്യാര്‍ഥിയടക്കം നാല് പേര്‍ക്ക് പരിക്കേറ്റു. പരിക്കേറ്റ എല്ലാവരെയും സ്വകാര്യ ആശുപത്രിയില്‍ പ്രവേശിപ്പിച്ചു. കുല്‍ദീപ്, സുഷി, വിദ്യുത്, ഹരീഷ് എന്നിവര്‍ക്കാണ് വെടിവെപ്പില്‍ പരിക്കേറ്റത്. വെടിയേറ്റ കുല്‍ദീപിന്റെ നില ഗുരുതരമാണ്. മറ്റ് മൂന്ന് പേര്‍ക്ക് കൈയിലും വയറിലും വെടിയേറ്റിട്ടുണ്ടെന്ന് ഒരു പോലീസ് ഉദ്യോഗസ്ഥന്‍ പറഞ്ഞു.
ഹരിയാനയിലെ റോഹ്തക്കിലെ മഹര്‍ഷി ദയാനന്ദ് സര്‍വ്വകലാശാലയിലാണ് ശനിയാഴ്ച വെടിവെപ്പ് ഉണ്ടായത്. ഒരാളുടെ പരിക്ക് ഗുരുതരമാണ്. കാറില്‍ എത്തിയ സംഘം വെടിയുതിര്‍ക്കുകയായിരുന്നു. സംഭവത്തില്‍ അന്വേഷണം ആരംഭിച്ചതായി പൊലീസ് വ്യക്തമാക്കി.
സ്‌കോര്‍പ്പിയോ വാഹനത്തില്‍ എത്തിയ യുവാവാണ് കാമ്പസില്‍ വെടിയുതിര്‍ത്തതെന്നാണ് ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നത്. പരിക്കേറ്റവരില്‍ ഒരാള്‍ വിദ്യാര്‍ഥിയും മറ്റ് മൂന്ന് പേര്‍ ഇയാളുടെ സുഹൃത്തുക്കളുമാണെന്ന് പൊലീസ് ഉദ്യോഗസ്ഥരെ ഉദ്ധരിച്ച് ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നത്.
പ്രതികളും വെടിയേറ്റവരും തമ്മിലുള്ള സാമ്പത്തിക ഇടപാടുകളാണ് ആക്രമണത്തില്‍ കലാശിച്ചതെന്നാണ് പ്രാഥമിക നിഗമനം. കാമ്പസില്‍ നടന്ന വെടിവെപ്പിന്റെ കാരണം എന്താണെന്ന് വ്യക്തമായിട്ടില്ലെന്നും അന്വേഷണം ആരംഭിച്ചെന്നും എസ്എച്ച്ഒ പര്‍മോദ് ഗൗതം പറഞ്ഞു. പരിക്കേറ്റ നാല് പേരും സര്‍വകലാശാലയിലെ ഗെയ്റ്റിന് സമീപം നില്‍ക്കുന്നതിനിടെയാണ് വെടിവെപ്പ് ഉണ്ടായത്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.