തിരുവനന്തപുരം: കേന്ദ്ര സര്ക്കാര് പോപ്പുലര് ഫ്രണ്ട് ഓഫ് ഇന്ത്യയെ നിരോധിച്ചതോടെ തുടര് നടപടിക്കായി സംസ്ഥാന സര്ക്കാര് ഉത്തരവിറക്കി. യുഎപിഎ നിയമനുസരിച്ച് തുടര് നടപടി സ്വീകരിക്കാന് എസ്പിമാര്ക്കും ജില്ലാ കളക്ടര്മാര്ക്കും അധികാരം നല്കി കൊണ്ടാണ് ഉത്തരവ്. ആഭ്യന്തര സെക്രട്ടറിയാണ് ഉത്തരവിറക്കിയത്.
ഉത്തരവിനെത്തുടര്ന്ന് ഡിജിപി വിശദമായ സര്ക്കുലര് പുറത്തിറക്കും. പിഎഫ്ഐ ഓഫീസുകള് സീല് ചെയ്യുന്നത് ഉള്പ്പെടെയുള്ള നടപടികള് ഇന്ന് തുടങ്ങും.
അതേസമയം പോപ്പുലര് ഫ്രണ്ടിന്റെ നിരോധന സാഹചര്യത്തില് സംസ്ഥാനങ്ങളില് ഏര്പ്പെടുത്തിയ സുരക്ഷ തുടരും. പോപ്പുലര് ഫ്രണ്ടിന്റെ ഓഫീസുകള് അടക്കമുള്ള മേഖലകളില് നിരീക്ഷണം തുടരും. നിരോധനത്തിന്റെ തുടര് നടപടികളും സംസ്ഥാനങ്ങളില് ഇന്ന് ഉണ്ടാകും. ആസ്തികള് കണ്ട് കെട്ടുന്നതും ഓഫീസുകള് പൂട്ടി മുദ്ര വയ്ക്കുന്നതും പലയിടങ്ങളിലും ആരംഭിച്ചിട്ടുണ്ട്.
അതേസമയം നിരോധനത്തിന് ശേഷമുള്ള സംഘടനയിലെ നേതാക്കളുടെ പ്രവര്ത്തനങ്ങളും നിരീക്ഷിക്കാന് കേന്ദ്രം പ്രത്യേകം നിര്ദേശം നല്കിയിട്ടുണ്ട്. സാമൂഹിക മാധ്യമങ്ങളിലെ പ്രതിഷേധങ്ങള് അടക്കം കേന്ദ്രസര്ക്കാര് നിരീക്ഷിക്കും.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26