ദുബായ്: ദുബായില്‍ ക്രിമിനല്‍ കേസുകളില്‍ കുറവ് രേഖപ്പെടുത്തിയെന്ന് പോലീസ് അധികൃതർ അറിയിച്ചു. 2022 മൂന്നാം പാദത്തില്‍ സമർപ്പിച്ച സ്ഥിതി വിവരകണക്കിലാണ് ഇക്കാര്യം വ്യക്തമാക്കിയിട്ടുളളത്. കഴിഞ്ഞ വർഷത്തെ അപേക്ഷിച്ച് 65 ശതമാനം ഇടിവാണ് രേഖപ്പെടുത്തിയിട്ടുളളത്.
ദുബായ് പോലീസ് കമാൻഡർ-ഇൻ-ചീഫ് ലെഫ്റ്റനന്‍റ് ജനറൽ അബ്ദുല്ല ഖലീഫ അൽ മറിയുടെ അധ്യക്ഷതയിൽ നടന്ന ജനറൽ ഡിപ്പാർട്ട്‌മെന്‍റ് ഓഫ് ക്രിമിനൽ ഇൻവെസ്റ്റിഗേഷൻസിന്‍റെ ത്രൈമാസ വിലയിരുത്തൽ യോഗത്തിലാണ് ഈ സ്ഥിതിവിവരക്കണക്കുകൾ വെളിപ്പെടുത്തിയത്.
കുറ്റവാളികളെ സമയബന്ധിതമായി പിടികൂടുകയും സുരക്ഷ ഉറപ്പാക്കുകയും ചെയ്യുന്ന ക്രിമിനൽ ഇൻവെസ്റ്റിഗേഷൻ ജനറൽ വിഭാഗത്തിലെ ഉദ്യോഗസ്ഥരെയും ജീവനക്കാരെയും അഭിനന്ദിച്ച ലെഫ്റ്റനന്‍റ് ജനറൽ അൽ മറി അഭിനന്ദിക്കുകയും എമിറേറ്റിന്‍റെ സുരക്ഷയും സുരക്ഷയും നിലനിർത്തുന്നതിനുള്ള അവരുടെ ശ്രമങ്ങള്‍ ഇനിയും തുടരണമെന്നും വ്യക്തമാക്കി.
ക്രിമിനൽ ഇൻവെസ്റ്റിഗേഷൻ അഫയേഴ്‌സ് അസിസ്റ്റന്‍റ് കമാൻഡർ-ഇൻ-ചീഫ് മേജർ ജനറൽ ഖലീൽ ഇബ്രാഹിം അൽ മൻസൂരി യോഗത്തിൽ പങ്കെടുത്തു.മറ്റ് മുതിർന്ന ഉദ്യോഗസ്ഥരും യോഗത്തില്‍ സന്നിഹിതരായിരുന്നു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.