മാനന്തവാടി രൂപത സഹായ മെത്രാന്‍ മാര്‍ അലക്‌സ് താരാമംഗലത്തിന്റെ സഹോദരനും മകനും കാറപകടത്തില്‍ മരിച്ചു

തലശേരി: ക​രു​വ​ഞ്ചാ​ൽ ആ​ല​ക്കോ​ട് നെ​ല്ലി​ക്കു​ന്നി​ൽ കാ​ർ നി​യ​ന്ത്ര​ണം വി​ട്ട് കി​ണ​റ്റി​ലേ​ക്ക് മ​റി​ഞ്ഞ സം​ഭ​വ​ത്തി​ൽ പ​രി​ക്കേ​റ്റ മ​ക​നും മ​രി​ച്ചു. ആ​ല​ക്കോ​ട് നെ​ല്ലി​ക്കു​ന്ന് താ​രാ​മം​ഗ​ലം വിൻസ് (18) ആ​ണ് മ​രി​ച്ച​ത്. വിൻസി​ന്‍റെ പി​താ​വ് മാ​ത്തു​ക്കു​ട്ടി (55) അ​പ​ക​ട സ്ഥ​ല​ത്ത് ത​ന്നെ മ​രി​ച്ചി​രു​ന്നു.

മാ​ത്തു​ക്കു​ട്ടി​യെ വേ​ഗ​ത്തി​ൽ പു​റ​ത്തെ​ത്തി​ക്കാ​ൻ സാ​ധി​ച്ചെ​ങ്കി​ലും മകൻ കാ​റി​നു​ള്ളി​ൽ കു​ടു​ങ്ങി​പ്പോ​വു​ക​യാ​യി​രു​ന്നു. ഏ​റെ നേ​ര​ത്തെ പ​രി​ശ്ര​മ​ത്തി​നൊ​ടു​വി​ലാ​ണ് ഇ​യാ​ളെ പു​റ​ത്തെ​ത്തി​ച്ച് ആ​ശു​പ​ത്രി​യി​ൽ പ്ര​വേ​ശി​പ്പി​ച്ച​ത്.

ഇ​ന്നു രാ​വി​ലെ 10.20 ഓ​ടെ​യാ​യി​രു​ന്നു അ​പ​ക​ടം. പു​റ​ത്തേ​ക്ക് പോ​കാ​നാ​യി വീ​ട്ടു​മു​റ്റ​ത്ത് നി​ർ​ത്തി​യി​ട്ട കാ​ർ തി​രി​ക്കു​ന്ന​തി​നി​ട​യി​ൽ നി​യ​ന്ത്ര​ണം വി​ട്ട് കി​ണ​റ്റി​ന്‍റെ ആ​ൾ​മ​റ ത​ക​ർ​ത്ത് താ​ഴേ​ക്ക് പ​തി​ക്കു​ക​യാ​യി​രു​ന്നു.

മാ​ന​ന്ത​വാ​ടി രൂ​പ​ത​യു​ടെ പ്ര​ഥ​മ സ​ഹാ​യ​മെ​ത്രാ​നാ​യ മാ​ർ അ​ല​ക്സ് താ​ര​മം​ഗ​ല​ത്തി​ന്‍റെ സ​ഹോ​ദ​ര​നാ​ണ് മ​രി​ച്ച മാ​ത്തു​ക്കു​ട്ടി. ഓ​ടി​ക്കൂ​ടി​യ സ​മീ​പ​വാ​സി​ക​ളും ആ​ല​ക്കോ​ട് പോ​ലീ​സും ചേ​ർ​ന്നാ​ണ് കി​ണ​റ്റി​ൽ വീ​ണ കാ​റി​ൽ അ​ക​പ്പെ​ട്ട​വ​രെ പു​റ​ത്തെ​ടു​ത്ത​ത്.

തലശേരി അതിരൂപത മെത്രാപ്പോലിത്ത മാര്‍ ജോസഫ് പാംപ്ലാനി അനുശോചനം അറിയിച്ചു. സംഭവത്തെത്തുടര്‍ന്ന് നാളെ നടത്താനിരുന്ന തലശേരി അതിരൂപതാ പ്രെസ്ബിറ്റേറിയവും അനുബന്ധ പരിപാടികളും മാറ്റിവെച്ചതായി ആര്‍ച്ച് ബിഷപ് മാര്‍ ജോസഫ് പാംപ്ലാനി അറിയിച്ചു.

പ​രേ​ത​രാ​യ ലൂ​ക്കോ​സ് (കു​ര്യാ​ച്ച​ൻ ചേ​ട്ട​ൻ)-​അ​ന്ന​ക്കു​ട്ടി ദ​ന്പ​തി​ക​ളു​ടെ മ​ക​നാ​ണ് മ​രി​ച്ച മാ​ത്തു​ക്കു​ട്ടി. ഭാ​ര്യ: ഷൈ​ജ. മ​റ്റു മ​ക്ക​ൾ: ആ​ൻ​സ്, ലി​സ്, ജി​സ്. സ​ഹോ​ദ​ര​ൻ: ജോ​യി.