രൂക്ഷമാകുന്ന ഇറാൻ പ്രക്ഷോഭം: കുട്ടികളുടെ മരണത്തിൽ ആശങ്ക പ്രകടിപ്പിച്ച് യുഎൻ

ന്യൂയോർക്: ഭരണകൂടത്തിനെതിരെ പ്രക്ഷോഭം രൂക്ഷമായ ഇറാനിലെ സ്ഥിതി ഗുരുതരമാണെന്ന് യുഎൻ മനുഷ്യാവകാശ ഹൈക്കമ്മീഷണർ. രാജ്യത്ത് മൂന്ന് മാസമായി തുടരുന്ന പ്രക്ഷോഭത്തെ തുടർന്നുണ്ടാകുന്ന കുട്ടികളുടെ മരണത്തെക്കുറിച്ചുള്ള റിപ്പോർട്ടുകളിൽ അഗാധമായ ആശങ്കയുണ്ടെന്ന് യുനിസെഫും വ്യക്തമാക്കി.

പ്രതിഷേധങ്ങളോട് ക്രൂരമായി പ്രതികരിക്കുന്ന ഇറാനിയൻ അധികാരികളുമായി യുഎൻ മനുഷ്യാവകാശ മേധാവി വോൾക്കർ ടർക്ക് ചർച്ച ചെയ്തു. വാരാന്ത്യത്തിൽ പ്രതിഷേധ പ്രകടനം നടത്തിയ രണ്ട് കുട്ടികൾ ഉൾപ്പെടെ രാജ്യത്ത് സംഭവിക്കുന്ന ദാരുണ മരണങ്ങളുടെ എണ്ണം വർദ്ധിക്കുന്നത് ഇറാനിലുടനീളം സ്ഥിതി എത്രത്തോളം ഗുരുതരമായി മാറിയെന്ന് പുറംലോകത്തിന് വ്യക്തമാക്കിത്തരുന്നതായി യുഎൻ പറഞ്ഞു.

കഴിഞ്ഞ രണ്ട് മാസത്തിനിടെ 300 ലധികം പേരുടെ ജീവനാണ് പ്രകടനങ്ങൾക്കിടയിൽ പൊലിഞ്ഞുപോയത്. തുടർച്ചയായി രാജ്യത്ത് പണിമുടക്കുകളും സമരങ്ങളും റിപ്പോർട്ട് ചെയ്യുന്നത് ഭരണത്തിന്മേൽ സമ്മർദ്ദം വർദ്ധിക്കുന്നതിന്റെ സൂചനയയാണ് യുഎൻ കാണുന്നത്.

ഈ ആഴ്ച അവസാനം ജനീവയിലെ യുഎൻ മനുഷ്യാവകാശ കൗൺസിൽ പ്രതിഷേധത്തെക്കുറിച്ച് ചർച്ച നടത്തും. കഴിഞ്ഞയാഴ്ച, ഇറാനിലെ കുട്ടികൾ കൊല്ലപ്പെടുകയും പരിക്കേൽക്കുകയും തടവിലാക്കപ്പെടുകയും ചെയ്യുന്നുവെന്ന റിപ്പോർട്ടുകളിൽ അതീവ ഉത്കണ്ഠയുണ്ടെന്ന് യുനിസെഫ് പറഞ്ഞു.

ഔദ്യോഗിക വിവരങ്ങളുടെ അഭാവം ഉണ്ടെങ്കിലും സെപ്തംബർ അവസാനം മുതൽ ഏകദേശം 50 കുട്ടികൾക്ക് രാജ്യത്ത് പ്രക്ഷോഭങ്ങളിൽ ജീവൻ നഷ്ടപ്പെട്ടതായി റിപ്പോർട്ടുണ്ട്. ഇറാനിലെ സ്ഥിതി ഭയാനകമാണെന്നും ഉടൻ നിർത്തണമെന്നും യുനിസെഫ് വ്യക്തമാക്കി. രാജ്യത്തെ ഹിജാബ് നിയമം ലംഘിച്ചുവെന്നാരോപിച്ച് പോലീസ് തടങ്കലിൽ വച്ചിരുന്ന മഹ്‌സ അമിനിയുടെ മരണത്തെത്തുടർന്ന് സെപ്റ്റംബർ പകുതിയോടെയാണ് പ്രതിഷേധം പൊട്ടിപ്പുറപ്പെട്ടത്.

അതിനിടെ ഫോ​​​ർ​​​ഡോ ആ​​​ണ​​​വ​​​കേ​​​ന്ദ്ര​​​ത്തി​​​ൽ യു​​​റേ​​​നി​​​യം സമ്പു​​​ഷ്ടീ​​​ക​​​ര​​​ണ​​​ത്തി​​​ന്റെ തോ​​​ത് 60 ശ​​​ത​​​മാ​​​ന​​​മാ​​​യി ഉയ​​​ർ​​​ത്തി​​​യെ​​​ന്ന് ഇ​​​റാ​​​ൻ അ​​​ന്താ​​​രാ​​​ഷ്‌​​​ട്രാ ആണവോർജ ഏ​​​ജ​​​ൻ​​​സി​​​യെ അ​​​റി​​​യി​​​ച്ചിരുന്നു. ഇ​​​റാ​​​നെ ല​​​ക്ഷ്യ​​​മി​​​ടു​​​ന്ന പ്ര​​​മേ​​​യം ഏ​​​ജ​​​ൻ​​​സി പാ​​​സാ​​​ക്കി​​​യ​​​തി​​​ന് മ​​​റു​​​പ​​​ടി​​​യാ​​​യി​​​ട്ടാ​​​യിരുന്നു ഈ നീക്കം. ഇതും ആശങ്ക ഉയർത്തുന്നതാണെന്നും യുനിസെഫ് വ്യക്തമാക്കി.

90 ശ​​​ത​​​മാ​​​ന​​​ത്തോ​​​ളം സമ്പു​​​ഷ്ടീ​​​ക​​​രി​​​ച്ച യു​​​റേ​​​നി​​​യം ഉ​​​ണ്ടെ​​​ങ്കി​​​ൽ ആണവായുധം ഉ​​​ണ്ടാ​​​ക്കാ​​​നാ​​​കും. ഇ​​​റാ​​​നി​​​ലെ മൂ​​​ന്നു ര​​​ഹ​​​സ്യ​​​കേ​​​ന്ദ്ര​​​ങ്ങ​​​ളി​​​ൽ യു​​​റേ​​​നി​​​യ​​​ത്തിന്റെ സാന്നി​​​ധ്യം ക​​​ണ്ടെ​​​ത്തി​​​യ​​​തി​​​ൽ അ​​​ന്വേ​​​ഷ​​​ണം ന​​​ട​​​ത്താ​​​ൻ സഹകരി​​​ക്ക​​​ണ​​​മെ​​​ന്നാ​​​വ​​​ശ്യ​​​പ്പെ​​​ടു​​​ന്ന പ്ര​​​മേ​​​യ​​​മാ​​​ണ് ഏ​​​ജ​​​ൻ​​​സി വ്യ​​​ഴാ​​​ഴ്ച പാ​​​സാ​​​ക്കി​​​യ​​​ത്.