ന്യൂഡല്ഹി: പ്രധാനമന്ത്രി നരേന്ദ്ര മോദിക്കും ബിജെപിക്കുമെതിരെ രൂക്ഷ വിമര്ശനവുമായി പ്രിയങ്ക ഗാന്ധി എംപി. മോഡി പ്രധാനമന്ത്രി പദത്തിലിരുന്ന കാലത്തോളം ജവഹര്ലാല് നെഹ്റു സ്വാതന്ത്ര്യ സമരക്കാലത്ത് ജയിലില് കിടന്നിട്ടുണ്ടെന്ന് പ്രിയങ്ക പറഞ്ഞു. ദേശീയ ഗാനമായ വന്ദേമാതരത്തിന്റെ 150-ാം വാര്ഷികത്തിന്റെ ഭാഗമായുള്ള ചര്ച്ചക്കിടെ പാര്ലമെന്റില് സംസാരിക്കുകയായിരുന്നു അവര്.
പന്ത്രണ്ട് വര്ഷമായി മോഡി പ്രധാനമന്ത്രിയാണ്. നെഹ്റു രാജ്യത്തിന്റെ സ്വാതന്ത്ര്യത്തിനായി ഏതാണ്ട് ഇത്രയും കാലം ജയിലില് കഴിഞ്ഞിട്ടുണ്ട്. പിന്നീട് അദേഹം 17 വര്ഷം പ്രധാനമന്ത്രിയായി. നിങ്ങള് അദേഹത്തെ കടന്നാക്രമിക്കുന്നു. പക്ഷേ, അദ്ദേഹം ഐഎസ്ആര്ഒ സ്ഥാപിച്ചില്ലായിരുന്നെങ്കില് നിങ്ങള്ക്ക് മംഗള്യാന് ഉണ്ടാകുമായിരുന്നില്ല.
ഡിആര്ഡിഒ തുടങ്ങിയിട്ടില്ലായിരുന്നെങ്കില് തേജസ് ഉണ്ടാകുമായിരുന്നില്ല. അദേഹം ഐഐഎമ്മുകളും ഐഐടികളും സ്ഥാപിച്ചില്ലായിരുന്നെങ്കില് ഐടി രംഗത്തെ കുതിപ്പുണ്ടാവുമായിരുന്നില്ല. നെഹ്റു എയിംസ് തുടങ്ങിയില്ലായിരുന്നെങ്കില് കോവിഡിനെ എങ്ങനെ പ്രതിരോധിക്കുമായിരുന്നുവെന്നും പ്രിയങ്ക ചോദിച്ചു.
രാജ്യത്തിനായി ജീവിച്ച് രാജ്യത്തെ സേവിച്ച് മരിച്ച വ്യക്തിയാണ് നെഹ്റു. സ്വാതന്ത്ര്യ സമരക്കാലത്ത് ഒമ്പത് തവണയായി 32000 ദിവസത്തിലധികം, ഏതാണ്ട് ഒമ്പത് വര്ഷത്തിനടുത്ത് ജയില്വാസമനുഭവിച്ചിട്ടുണ്ട്. നെഹ്റുവിനെ അധിക്ഷേപിക്കുന്നവരുടെ ഒരു ലിസ്റ്റുണ്ടാക്കി അക്കാര്യത്തില് മോഡിക്ക് ഇഷ്ടമുള്ളത്ര സമയം പാര്ലമെന്റില് സംവാദം നടത്താന് കോണ്ഗ്രസ് ഒരുക്കമാണെന്ന് പ്രിയങ്ക പറഞ്ഞു.
നെഹ്റുവിന്റെ കാര്യത്തില് ഒരു തീര്പ്പ് വരുത്തിയിട്ട് തൊഴിലില്ലായ്മയെ കുറിച്ചും വിലക്കയറ്റത്തെ കുറിച്ചും സംസാരിക്കാമെന്നും പരിഹസിച്ച പ്രിയങ്കയുടെ പ്രസംഗത്തെ കരഘോഷത്തോടെയാണ് പ്രതിപക്ഷം വരവേറ്റത്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള് സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്ളീല പദപ്രയോഗങ്ങളും ദയവായി ഒഴിവാക്കുക.