മലപ്പുറം: കരോള്‍ സംഘത്തിന് നേരെ മലപ്പുറത്ത് മദ്യപ സംഘത്തിന്റെ ആക്രമണം. ശനിയാഴ്ച രാത്രി പത്തോടെയായിരുന്നു സംഭവം. കരോള്‍ സംഘത്തിലുണ്ടായിരുന്ന കുട്ടികളാണ് ആക്രമണത്തിന് ഇരയായത്.
ക്രിസ്തുമസ് ആഘോഷവുമായി ബന്ധപ്പെട്ട് കരോള്‍ ഗാനവുമായി ഇരുപതോളം കുട്ടികളാണ് സംഘത്തിലുണ്ടായിരുന്നത്. ഇവരെ സാമൂഹ്യവിരുദ്ധരായ മദ്യപസംഘം വടിയും പട്ടികയും ഉപയോഗിച്ച് ആക്രമിച്ചുവെന്നാണ് പരാതി. സംഭവമറിഞ്ഞ് ഓടിയെത്തിയ നാട്ടുകാര്‍ െേപാലീസിനെ വിവരമറിയിക്കുകയായിരുന്നു. പൊലീസ് എത്തിയപ്പോഴേയ്ക്കും അക്രമികള്‍ കടന്നുകളഞ്ഞിരുന്നു.
കുട്ടികള്‍ വാടകയ്ക്ക് വാങ്ങിയ വാദ്യോപകരണങ്ങളും അക്രമി സംഘം നശിപ്പിച്ചു. സംഭവത്തില്‍ മര്‍ദ്ദനത്തിനിരയായ കുട്ടികള്‍ പൊലീസില്‍ പരാതി നല്‍കി. അഞ്ച് കുട്ടികള്‍ക്കാണ് ആക്രമണത്തില്‍ പരിക്കേറ്റത്. മലപ്പുറം ചങ്ങരങ്ങുളം പെരുമുക്കിലാണ് സ്ഥലത്താണ് ആക്രമണമുണ്ടായത്. അക്രമികള്‍ക്കായി പൊലീസ് തിരച്ചില്‍ ഊര്‍ജ്ജിതമാക്കി.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.