പാലാരിവട്ടം പാലം അഴിമതി കേസ്: വി.കെ ഇബ്രാഹിം കുഞ്ഞിന്റെ കസ്റ്റഡി അപേക്ഷയിൽ വിധി ഇന്ന്

പാലാരിവട്ടം പാലം അഴിമതി കേസ്സിൽ വി.കെ ഇബ്രാഹിം കുഞ്ഞിന്റെ കസ്റ്റഡി അപേക്ഷയിൽ ഇന്ന് വിധിപറയും. നിലവിൽ കൊച്ചിയിലെ സ്വകാര്യ ആശുപത്രിയിൽ ചികിത്സയിൽ കഴിയുകയാണ് ഇബ്രാഹിം കുഞ്ഞ്. ഇവിടെവെച്ച് ചോദ്യം ചെയ്യാൻ അനുമതി നൽകണമെന്ന് വിജിലൻസ് ആവശ്യപ്പെട്ടിട്ടുണ്ട്. ഈ ആവശ്യവും കോടതി ഇന്ന് പരിഗണിക്കും. നിലവിൽ രണ്ടാഴ്ചത്തെ ജുഡീഷ്യൽ കസ്റ്റഡിയിലാണ് ഇബ്രാഹിം കുഞ്ഞ്. അതേസമയം ആരോഗ്യനില മോശമാണെന്ന് കാണിച്ചുള്ള മെഡിക്കൽ ബോർഡ് റിപ്പോർട്ടിന്റെ അടിസ്ഥാനത്തിൽ ഇബ്രാഹിം കുഞ്ഞിനെ സർക്കാർ ആശുപത്രിയിലേക്ക് മാറ്റണമെന്ന ആവശ്യത്തിൽ നിന്നും വിജിലൻസ് പിന്മാറിയിരുന്നു.