പകരം വീട്ടാനൊരുങ്ങി കേരള ബ്ലാസ്റ്റേഴ്‌സ്; മുംബൈ സിറ്റിയുമായി ഇന്ന് ഏറ്റുമുട്ടും

മും​ബൈ: തോൽവി അറിയാതെയുള്ള ബ്ലാസ്റ്റേഴ്‌സിന്റെ തെരോട്ടത്തിന് ഇന്ന് അഗ്നി പരീക്ഷ. മിന്നും ഫോ​മി​ലു​ള്ള മും​ബൈ സി​റ്റി​യാ​ണ് മഞ്ഞപ്പടയുടെ എ​തി​രാ​ളി​ക​ൾ. മും​ബൈ​യു​ടെ ത​ട്ട​ക​മാ​യ മും​ബൈ ഫു​ട്ബാ​ൾ അ​രീ​ന​യി​ലാ​ണ് പോ​രാ​ട്ടം.

13 ക​ളി​ക​ളി​ൽ 31 പോ​യ​ന്റു​മാ​യി മു​ന്നി​ലു​ള്ള നി​ല​വി​ലെ ജേ​താ​ക്ക​ളാ​യ ഹൈ​ദ​രാ​ബാ​ദ് എ​ഫ്.സി​യു​ടെ തൊ​ട്ടു​പി​റ​കി​ലാ​ണ് 12 മ​ത്സ​ര​ങ്ങ​ളി​ൽ 30 പോ​യ​ന്റു​ള്ള മും​ബൈ. ബ്ലാ​സ്​​റ്റേ​ഴ്സ് 12 ക​ളി​ക​ളി​ൽ 25 പോ​യ​ന്റു​മാ​യി മൂ​ന്നാ​മ​തും. ഇ​ന്ന് ജ​യി​ച്ചാ​ൽ മും​ബൈ​യു​മാ​യു​ള്ള പോ​യ​ന്റ് വ്യ​ത്യാ​സം ര​ണ്ടാ​യി കു​റ​ക്കാം. പക്ഷെ മൂ​ന്നാ​മ​ത് തു​ട​രുക തന്നെ ചെയ്യും. മും​ബൈ ജ​യി​ക്കു​ക​യാ​ണെ​ങ്കി​ൽ അ​വ​ർ​ക്ക് ഹൈ​ദ​രാ​ബാ​ദി​നെ​യും മ​റി​ക​ട​ന്ന് ത​ല​പ്പ​ത്തെ​ത്താം.

ആ​ദ്യ​പാ​ദ​ത്തി​ൽ കൊ​ച്ചി​യി​ൽ മും​ബൈ​യു​മാ​യി ഏ​റ്റു​മു​ട്ടി​യ​പ്പോ​ൾ 2-0 തോ​ൽ​വി​യാ​യി​രു​ന്നു ബ്ലാ​സ്റ്റേ​ഴ്സി​ന്. ബ്ലാ​സ്റ്റേ​ഴ്സി​ന്റെ സീ​സ​ണി​ലെ മൂ​ന്നു തോ​ൽ​വി​ക​ളി​ലൊ​ന്നാ​യി​രു​ന്നു ഇ​ത്.

മും​ബൈ​യാ​വ​ട്ടെ ഇ​തു​വ​രെ തോ​ൽ​വി​യ​റി​ഞ്ഞി​ട്ടി​ല്ല. സീ​സ​ണി​ൽ പ​രാ​ജ​യ​മ​റി​യാ​ത്ത ഏ​ക ടീ​മാ​ണ​വ​ർ. കൂ​ടു​ത​ൽ ഗോ​ളു​ക​ള​ടി​ച്ച ടീ​മും മും​ബൈ ത​ന്നെ, 36 എ​ണ്ണം. ബ്ലാ​സ്റ്റേ​ഴ്സി​ന്റെ സ​മ്പാ​ദ്യം 22 ഗോ​ളു​ക​ളാ​ണ്.

മു​ൻ​നി​ര​യാ​ണ് മും​ബൈ​യു​ടെ ക​രു​ത്ത്. സെ​ൻ​ട്ര​ൽ സ്ട്രൈ​ക്ക​ർ മു​ൻ ബ്ലാ​സ്റ്റേ​ഴ്സ് താ​രം ജോ​ർ​ഹെ പെ​രേ​ര ഡ​യ​സ് ആ​റും വ​ല​തു വി​ങ്ങ​ർ ലാ​ലി​യ​ൻ​സു​വാ​ല ചാ​ങ്തെ ഏ​ഴും ഇ​ട​തു വി​ങ്ങ​ർ ബി​പി​ൻ സി​ങ് അ​ഞ്ചും ഗോ​ളു​ക​ൾ നേ​ടി​യി​ട്ടു​ണ്ട്. പ്ലേ​മേ​ക്ക​ർ ഗ്രെ​ഗ് സ്റ്റു​വാ​ർ​ട്ടാ​ണ് ഏ​ഴു അ​സി​സ്റ്റു​മാ​യി അ​ക്കാ​ര്യ​ത്തി​ലും മു​ന്നി​ൽ.

ബ്ലാ​സ്റ്റേ​ഴ്സ് മു​ൻ​നി​ര​യും അ​ത്ര പി​ന്നി​ല​ല്ല. ആ​റു ഗോ​ളു​മാ​യി ദി​മി​ത്രി​യോ​സ് ഡി​യ​മ​ന്റ​കോ​സ് ആ​ക്ര​മ​ണം ന​യി​ക്കു​ന്നു. നാ​ലു ഗോ​ളു​മാ​യി ഇ​വാ​ൻ ക​ലി​യൂ​ഷ്നി, മൂ​ന്നു വീ​തം ഗോ​ളു​മാ​യി അ​ഡ്രി​യാ​ൻ ലൂ​ന, സ​ഹ​ൽ അ​ബ്ദു​സ്സ​മ​ദ്, ര​ണ്ടു ഗോ​ളു​മാ​യി അ​പോ​സ്ത​ലോ​സ് ജി​യാ​നൗ എ​ന്നി​വ​രു​മു​ണ്ട്. ഡ​യ​മ​ന്റ​കോ​സി​നും ലൂ​ന​ക്കും മൂ​ന്നു വീ​തം അ​സി​സ്റ്റു​ക​ളു​മു​ണ്ട്, സ​ഹ​ലി​ന് ര​ണ്ടും. ക​ലി​യൂ​ഷ്നി സ​സ്​​പെ​ൻ​ഷ​ൻ ക​ഴി​ഞ്ഞ് തി​രി​ച്ചെ​ത്തു​ന്ന​ത് ടീ​മി​ന് ക​രു​ത്തു​പ​ക​രും.