തിരുവനന്തപുരം: ഭാരത് ജോഡോ യാത്രയുടെ തുടർച്ചയായി എഐസിസി പ്രഖ്യാപിച്ച ഹാഥ് സേ ഹാഥ് ജോഡോ പ്രചാരണത്തിന് ഇന്ന് കൊച്ചിയിൽ തുടക്കം. രാവിലെ എഐസിസി ജനറൽ സെക്രട്ടറി കെ.സി. വേണുഗോപാൽ ഉദ്ഘാടനം ചെയ്യും.
വിദ്വേഷത്തിനും വർഗീയതക്കും കേന്ദ്ര സംസ്ഥാന സർക്കാരുകളുടെ ജനദ്രോഹ നടപടികൾക്കും എതിരെ ഭവന സന്ദർശനം നടത്തി വീട്ടുകാരുമായി ആശയവിനിമയം നടത്തുന്നതാണ് ഹാഥ് സേ ഹാഥ് ജോഡോ പരിപാടി.
എഐസിസി ജനറൽ സെക്രട്ടറി താരിഖ് അൻവര്‍, കെപിസിസി അധ്യക്ഷൻ കെ.സുധാകരൻ, പ്രതിപക്ഷ നേതാവ് വി.ഡി. സതീശൻ, രമേശ് ചെന്നിത്തല തുടങ്ങി നേതാക്കൾ പങ്കെടുക്കും.
തുടര്‍ന്ന് കെപിസിസി നേതൃയോഗം ചേര്‍ന്ന് കേന്ദ്ര-സംസ്ഥാന സര്‍ക്കാര്‍ വിരുദ്ധ സമര പരിപാടികൾക്ക് അന്തിമ രൂപം നൽകും. കെപിസിസിയുടെ ധനശേഖരണാർത്ഥമുള്ള 138 രൂപ ചലഞ്ചിന്റെ സംസ്ഥാനതല ഉദ്ഘാടനവും ഇന്ന് കൊച്ചിയിൽ നടക്കും.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.