തൃശൂരില്‍ ഓടിക്കൊണ്ടിരുന്ന കാറിന് തീപിടിച്ചു; യാത്രക്കാര്‍ ഇറങ്ങിയോടി: ഒഴിവായത് വന്‍ അപകടം

തൃശൂര്‍: ചാവക്കാട് ഓടിക്കൊണ്ടിരുന്ന കാറിന് തീപിടിച്ചു. ഒരുമനയൂര്‍ കരുവാരക്കുണ്ടിലാണ് സംഭവം. യാത്രക്കാര്‍ ഇറങ്ങി ഓടിയതിനാല്‍ വലിയ അപകടം ഒഴിവായി.

കാറിന്റെ മുന്‍വശത്തു നിന്ന് തീയും പുകയും ഉയരുന്നത് ശ്രദ്ധയില്‍പ്പെട്ടതിന് പിന്നാലെയാണ് യാത്രക്കാര്‍ ഇറങ്ങിയോടിയത്. കാറിന്റെ മുന്‍വശം കത്തിയമര്‍ന്നു. നാട്ടുകാര്‍ വെള്ളമൊഴിച്ച് തീ കെടുത്തി.