ദുബായ്: എമിറേറ്റിലെ ബിസിനസ് ലൈസന്‍സ് പുതുക്കാന്‍ പുതിയ നിബന്ധന വരുന്നു. ലൈസന്‍സ് പുതുക്കണമെങ്കില്‍ സ്ഥാപനത്തിന്‍റെ ലാഭവിഹിതം കൈപ്പറ്റുന്ന എല്ലാ പങ്കാളികളുടെയും സമ്മതം വേണം. ലൈസന്‍സുമായി ബന്ധപ്പെട്ട മുഴുവന്‍ സേവനങ്ങള്‍ക്കും സ്ഥാപനത്തിന്‍റെ ഔദ്യോഗിക പ്രതിനിധിയുടേയോ പങ്കാളിയുടെയോ സാന്നിദ്ധ്യവും നിർബന്ധമാണ്.
ദുബായ് സാമ്പത്തിക ടൂറിസം വകുപ്പാണ് ഇത് സംബന്ധിച്ച നിർദ്ദേശം നല്‍കിയിട്ടുളളത്. ഓരോ സ്ഥാപനവും ലാഭവിഹിതം കൈപ്പറ്റുന്ന പങ്കാളികളുടെ പേരുവിവരങ്ങൾ രജിസ്റ്റർ ചെയ്യുന്നത് കഴിഞ്ഞവർഷം കർശനമാക്കിയിരുന്നു. ലൈസൻസ് നടപടികൾക്കായി സമീപിക്കുന്നവരുടെ തിരിച്ചറിയൽ രേഖ, പവർ ഓഫ് അറ്റോണി, ഫോൺ നമ്പർ എന്നിവ സൂക്ഷിച്ചുവെക്കണം. നിർദേശങ്ങൾ പാലിക്കുന്നതിൽ വീഴ്ച വരുത്തിയാൽ സർക്കാർ സേവന സ്ഥാപനങ്ങൾ പിഴയടക്കേണ്ടിവരും. അംഗീകാരമില്ലാതെ പ്രവർത്തിക്കുന്ന കമ്പനി പിആർഒമാരെ നിയന്ത്രിക്കാനാണ് പുതിയ നിബന്ധന.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26