ദുബായ്:യുഎഇയില്‍ ഫെഡറല്‍ ജീവനക്കാർക്ക് വെളളിയാഴ്ചകളില്‍ വീട്ടിലിരുന്ന് ജോലിചെയ്യാം. 70 ശതമാനം ജീവനക്കാർക്കും വീട്ടിലിരുന്ന് ജോലിചെയ്യാമെന്ന് യുഎഇ പ്രസിഡന്‍റിന്‍റെ നിർദ്ദേശം വ്യക്തമാക്കുന്നു.ബാക്കി 30 ശതമാനം പേർക്ക് സൈറ്റില്‍ ജോലി ചെയ്യണം.
അതോടൊപ്പം പൊതുവിദ്യാലയങ്ങളിലെയും സർവകലാശാലകളിലെയും വിദ്യാർഥികൾക്കും സമാന ഇളവ് പ്രഖ്യാപിച്ചിട്ടുണ്ട്.വെളളിയാഴ്ചകളില്‍ വിദൂരപഠനമാണ് വിദ്യാർത്ഥികള്‍ക്ക് അനുവദിച്ചിട്ടുളളത്. എന്നാല്‍ നേരത്തെ നിശ്ചയിച്ച പരീക്ഷകളെ ഇത് ബാധിക്കില്ല.
റമദാനില്‍ ജോലി സമയത്തില്‍ ഇളവ് നല്‍കി നേരത്തെ ഉത്തരവ് ഇറക്കിയിരുന്നു. ഫെഡറല്‍ മന്ത്രാലയങ്ങളും അതോറിറ്റികളും ജീവനക്കാർക്ക് ആയാസ രഹിതമായ ജോലി ക്രമം നല്കണമെന്ന നിർദ്ദേശമാണ് നല്‍കിയിരുന്നത്. പ്രവൃത്തിസമയം രാവിലെ ഒമ്പതുമുതൽ ഉച്ചക്ക് 2.30 വരെ ആയിരിക്കുമെന്നും ഫെഡറല്‍ അതോറിറ്റി ഫോർ ഗവണ്‍മെന്‍റ് ഹ്യൂമന്‍ റിസോഴ്സസ് അറിയിച്ചിരുന്നു. എന്നാല്‍ ജോലിയുടെ സ്വഭാവം അനുസരിച്ച് പ്രവൃത്തിസമയം ക്രമീകരിക്കാമെന്നും നിർദ്ദേശം വ്യക്തമാക്കിയിരുന്നു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.