തിരുവനന്തപുരം: കാർഷിക നിയമ ഭേദഗതിക്കെതിര ബദൽ നിയമ സാധ്യത തേടി കേരളം. കേന്ദ്ര നിയമ ഭേദഗതി തള്ളാൻ മറ്റന്നാൾ നിയമസഭ സമ്മേളനം ചേരും. നിയമസഭയുടെ പ്രത്യേകസമ്മേളനം ചേരാൻ ഗവർണറോട് ശുപാർശ ചെയ്യും. ഇന്ന് ചേർന്ന പ്രത്യേക മന്ത്രിസഭ യോഗമാണ് ഇതുസംബന്ധിച്ച തീരുമാനം എടുത്തത്.
പഞ്ചാബ് മാതൃകയിൽ ബദൽ നിയമ സാധ്യതയാണ് കേരളം തേടുന്നത്. ഇതിനായി കൃഷി വകുപ്പ് ഉപസമിതിയെ നിയോഗിച്ചു. താങ്ങുവില നില നിർത്തികൊണ്ടാകും ബദൽ നിയമം. കാർഷിക നിയമ ഭേദഗതി തളളാൻ ബുധനാഴ്ചയാണ് നിയമസഭ ചേരുക. ഒരുമണിക്കൂർ ചേരുന്ന സമ്മേളനത്തിൽ കക്ഷി നേതാക്കൾ മാത്രമാകും സംസാരിക്കുക. നിയമ ഭേദഗതി പ്രമേയം വഴി തളളുന്നതിനൊപ്പം ഭേദഗതി നിരാകരിക്കാനും ആലോചനയുണ്ട്. ഭരണ പ്രതിപക്ഷ അംഗങ്ങൾ ഭേദഗതിയ്ക്ക് എതിരാണ്. ബിജെപി പ്രതിനിധി ഒ രാജഗോപാൽ സമ്മേളനത്തിൽ സ്വീകരിക്കുന്ന നിലപാട് എന്താകും എന്നത് ശ്രദ്ധേയമാണ്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.