തിരുവനന്തപുരം: മയക്കുമരുന്ന് കേസിലെ പ്രതികള്ക്ക് ഇനി മുതല് പരോള് ഇല്ല. മയക്കുമരുന്ന് വില്പ്പന വര്ധിച്ച സാഹചര്യത്തിലാണ് ജയില് ചട്ടങ്ങളില് സര്ക്കാര് ഭേദഗതി വരുത്തിയിരിക്കുന്നത്. അടിയന്തര പരോളും ഇനി മുതല് നല്കില്ല.
ലഹരി വില്പനയും ഉപയോഗവും തടയാന് ലക്ഷ്യമിട്ട് കേരള പൊലീസിന്റെ ഡ്രോണ് പരിശോധനയും തുടങ്ങിയിട്ടുണ്ട്. സ്ഥിരമായി ലഹരി ഉപയോഗിക്കുന്ന കേന്ദ്രങ്ങളിലാണ് പട്രോളിങ് നടത്തുന്നത്. ബസ് സ്റ്റാന്ഡ് പരിസരങ്ങള്, പാര്ക്കിങ് കേന്ദ്രങ്ങള് എന്നിവ നിരീക്ഷിക്കും. ഇതിന്റെ ലൊക്കേഷന് വീഡിയോയും ഫോട്ടോയും അതാത് പൊലീസ് സ്റ്റേഷനുകളിലേക്ക് കൈമാറും.
ഓരോ സ്റ്റേഷനിലും ലഹരിയുമായി ബന്ധപ്പെട്ട എന്ഡിപിഎസ് കേസുകളിലാണ് ആദ്യം ശ്രദ്ധ കേന്ദ്രീകരിക്കുന്നത്. കണ്ണൂര് സിറ്റി പൊലീസ് പരിധിയിലെ 23 സ്റ്റേഷനുകളില് ഏഴെണ്ണത്തില് ഡ്രോണ് പരിശോധന നടത്തി. റൂറല് പൊലീസ് പരിധിയിലെ 19 സ്റ്റേഷനുകളില് മൂന്ന് സ്റ്റേഷനുകളില് പരിശോധന പൂര്ത്തിയായി.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26